Opna Reykjavíkurmótið í Loftskammbyssu og Loftriffli fer fram í Egilshöllinni laugardaginn 18.október í Egilshöllinni í Grafarvogi. Keppni hefst kl. 09:00. Skráning sendist á  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. UPPFÆRT: Ráslistar komnir hérna

Og hérna verður hægt að fylgjast með skorinu í beinni.

Íslandsmeistaramót Skotíþróttasambands Íslands í haglabyssugreininni “SKEET” fór fram á skotvelli Skotíþróttafélags Suðurlands í samvinnu við Skotfélag Reykjavíkur. Íslandsmeistari karla varð Arnór Logi Uzureau úr Skotíþróttafélagi Hafnarfjarðar með 116/54 stig, annar varð Hákon Þór Svavarsson úr Skotíþróttafélagi Suðurlands með 111/45 stig og í þriðja sæti hafnaði Guðlaugur Bragi Magnússon úr Skotfélagi Akureyrar með 108/38 stig. Í kvennaflokki varð María Rós Arnfinnsdóttir úr Skotfélagi Reykjavíkur Íslandsmeistari með 86/34 stig, önnur varð Dagný Huld Hinriksdóttir úr Skotfélagi Reykjavíkur með 89/33 stig og bronsið vann Snjólaug María Jónsdóttir úr Skotfélaginu Markviss á Blönduósi með 85/24 stig. Í keppni liða sigraði sveit Skotíþróttafélags Hafnarfjarðar með 308 stig, önnur varð sveit Skotíþróttafélags Suðurlands með 295 stig og í þriðja sæti sveit Skotfélags Reykjavíkur með 268 stig. Nálgast má slatta af myndum frá úrslitunum hérna.

Jón Þór Sigurðsson var að sigra á Evrópumeistaramótinu í Frakklandi í riffilgreininni “300m Prone” þar sem skotið er með stórum rifflum, liggjandi af 300 metra færi með opnum gatasigtum. Hæst er hægt að fá 600 stig og 60 X-tíur. Jón Þór endaði með 599 stig og 45 X innri tíur. Annar varð Alexander Schmirl frá Austurríki einnig með 599 stig en 39X-tíur og svo í þriðja sæti Aleksi Leppa frá Finnlandi með 599 stig og 36 X-tíur. Árangur Jóns er nýtt Íslandsmet en hann átti sjálfur fyrra metið 596/34X, sem hann setti á Euro Cup í Sviss árið 2023. Frétt frá STÍ

Íslandsmeistaramótið í Skeet sem halda átti á svæði okkar á Álfsnesi hefur verið flutt á velli Skotíþróttafélags Suðurlands. Dagsetning breytist ekki, 8.-10.ágúst 2025. Ástæðan er ákvæði í bráðabirgðastarfsleyfi sem gildir út árið 2025. Þar kveðið á um að aðeins sé leyfilegt að halda mót tvær helgar á árinu en ekki fjórar helgar einsog var í fyrra aðalstarfsleyfi. Félagið hefur sótt um undanþágu en gengur illa að fá lausn tímanlega. Þegar hafa verið haldin mót tvær helgar á árinu. Skráningarfrestur félaga á mótið rennur út á miðnætti n.k.sunnudag, 3.ágúst !