Velli 2 lokað vegna varps Skoða sem PDF skjal
Sunnudagur, 06. júní 2021 21:31

tjaldur2021Vinur okkar, Tjaldurinn, liggur nú á hreiðri sínu í mölinni á velli 2. Lokað verður á honum næstu 2-3 vikurnar eða þar til ungarnir hafa flogið úr hreiðrinu.Landsmót STÍ sem haldið verður um næstu helgi hefur verið flutt á völl 3. Tjaldurinn liggur sem fastast þó verið sé að skjóta á velli 1 og 3, finnur greinilega fyrir örygginu að vera meðal okkar og hvetjum við alla til að forðast að trufla varpið. Fleiri hreiður eru á skotsvæðinu en ekki á eins áberandi stað og þetta.

AddThis Social Bookmark Button
 
Bréf frá ÍSÍ um kynbundið ofbeldi Skoða sem PDF skjal
Fimmtudagur, 03. júní 2021 16:36


Þetta bréf var að berast frá ÍSÍ um kynbundið ofbeldi !

 

Sérsambönd ÍSÍ
Héraðssambönd og íþróttabandalög Íþróttafélög og deildir þeirra
Reykjavík,  3.júní 2021


Efni:      #metoo/#églíka
Kæru félagar!
Á undanförnum vikum hefur umræða um kynbundið ofbeldi blossað upp á ný. Þolendur stíga fram, skila
skömminni á réttan stað og krefjast breytinga í samfélaginu.
Líkt og í fyrri bylgju #metoo/#églíka hafa komið upp á yfirborðið frásagnir af kynferðisbrotum í
íþróttastarfi og einnig hefur verið bent á að kvenfyrirlitningu megi finna alltof víða í
karlaklefum landsins.

Íþrótta- og Ólympíusamband Íslands (ÍSÍ) ítrekar með bréfi þessu að sambandið fordæmir allt ofbeldi
í starfsemi íþróttahreyfingarinnar, enda er slík hegðun óásættanleg og ólíðandi með öllu. Það er og
hefur verið markmið íþróttahreyfingarinnar að tryggja öryggi, jafnrétti og jafnræði þeirra sem iðka
og starfa innan íþróttahreyfingarinnar.

Á heimasíðu ÍSÍ er að finna talsvert af fræðsluefni um kynferðislega áreitni og ofbeldi í
Samskiptaráðgjafi íþrótta- og æskulýðsstarfs tekur á móti tilkynningum um atvik sem upp koma og
veitir þolendum ráðgjöf, stuðning og fræðslu. Á heimasíðunni https://www.samskiptaradgjafi.is/ er
hægt að tilkynna um atvik, fá ráðgjöf og finna fræðsluefni tengt málaflokknum.

Við hvetjum sambandsaðila til að kynna sér fræðsluefnið og deila því með sínu fólki. Einnig leggjum
við ríka áherslu á að við öll sem að íþróttahreyfingunni stöndum tökum skýra afstöðu gegn hverskyns
kvenfyrirlitningu, áreitni og ofbeldi og tökum öllum málum sem upp koma þess efnis alvarlega.
Þjálfarar og stjórnarfólk eru hvött sérstaklega til að vinna markvisst að því að byggja upp
heilbrigða klefamenningu sem laus er við kvenfyrirlitningu og ofbeldi.


Með vinsemd og virðingu, ÍÞRÓTTA- OG ÓLYMPÍUSAMBAND ÍSLANDS
Lárus L. Blöndal
Líney Rut Halldórsdóttir
forseti
framkvæmdastjóri

 

AddThis Social Bookmark Button
 
Afmælisdagur félagsins er í dag 2.júní, 154 ára Skoða sem PDF skjal
Miðvikudagur, 02. júní 2021 13:53

srskothusvtjornina1890Skotfélag Reykjavíkur er 154 ára í dag, stofnað 2.júní 1867 !!

AddThis Social Bookmark Button
 
Opnanir á Álfsnesi þriðjudaga og fimmtudaga kl 12-19 Skoða sem PDF skjal
Föstudagur, 28. maí 2021 08:55

Við ætlum að reyna opnanir frá og með 1.júní kl. 12-19, þriðjudaga og fimmtudaga á Álfsnesi. Auðvitað verður síðan opið á hefðbundnum tíma á laugardögum kl.10-16. Við hvetjum félagsmenn til að nýta sér þennan opnunartíma einsog kostur er. 

AddThis Social Bookmark Button
 
Aðalfundur félagsins í Egilshöll Skoða sem PDF skjal
Föstudagur, 28. maí 2021 08:48

Aðalfundur félagsins var haldinn í Egilshöllinni í kvöld. Megnið af fundartímanum fór í umræður um útisvæði félagsins á Álfsnesi. Ársreikningar voru lagðir fram og samþykktir samhljóða. Stjórnin var endurkjörinn samkvæmt lögum félagsins og er nú skipuð þannig að Jórunn Harðardóttir er formaður, Arnbergur Þorvaldsson varaformaður, Guðmundur Kr. Gíslason gjaldkeri, Kjartan Friðriksson ritari og meðstjórnandi er Örn Valdimarsson. Varamenn eru Kjartan Örn Kjartansson og Sigfús Tryggvi Blumenstein.

AddThis Social Bookmark Button
 
Skotvellir tilvaldir sem varpstaður fugla Skoða sem PDF skjal
Fimmtudagur, 27. maí 2021 10:26

sr varp tjaldur2021Hér er smá innlegg í umræðuna um mikla og stöðuga hávaðamengun frá starfsemi SR á Álfsnesi. Umrædd hávaðamengun er talin það mikil að hún flæmi fuglalíf í burtu frá svæðum hinum megin við Kollafjörð. Ef svo er hvernig má það vera að við erum í vandræðum vegna ásóknar fugla í að verpa á skotvöllum okkar eins og sést á myndinni í viðhenginu?  Á SKEET-velli nr. 2 hefur tjaldapar gert sér hreiður og var verpt í það á tímabilinu 14:00 til 15:00 síðastliðinn mánudag. Það var í miðjum opnunartíma þess dags.

AddThis Social Bookmark Button
 
<< Fyrsta < Fyrri 1 2 3 4 5 6 7 8 9 10 Næsta > Síðasta >>

Síða 2 af 260

Á Döfinni

Auglýsing
Álfsnes - leiðarvísir
Auglýsing
Álfsnes - Skotsvæði
Auglýsing
Egilshöll - 50m salur
Auglýsing
Egilshöll - Loftbrautir
Auglýsing
Auglýsing
Auglýsing
Auglýsing
Auglýsing
Auglýsing
Auglýsing
Auglýsing
Auglýsing
Auglýsing