Fuglalífið er frekar dræmt á skotsvæðinu okkar á Álfsnesi. Fuglar finna öryggi af nálægð skotíþrótta en vargurinn heldur sig frá svæðinu þegar skotæfingar standa yfir. Þeir forðast skothvellina sem þeir eru stöðugt að forðast á athafnasvæði SORPU, þar sem meindýravarnir eru stöðugt að skjóta á þá til að halda þeim frá opnu sorpi. Við gleðjumst samt yfir þeim fáu hugrökku fuglum sem heiðra okkur með návist sinni og reyna varp á svæðinu.

Á Landsmóti STÍ í haglabyssugreinni Skeet, sem haldið var hjá Skotdeild Keflavíkur um helgina, sigraði Pétur T. Gunnarsson úr SR með 57 stig (111), Daníel H. Stefánsson úr SR varð annar með 47 stig (89) og í þriðja sæti hafnaði Guðmundur Pálsson úr SR. A-lið Skotfélags sigraði liðakeppnina, A-lið SÍH varð í öðru sæti og B-lið SÍH í því þriðja. Nánar á úrslitasíðu STÍ hérna.

Íslandsmeistaramótið í loftriffli fór fram í Egilshöllinni í dag. Íslandsmeistari í karlaflokki varð Guðmundur Helgi Christensen úr SR með 579,5 stig, annar varð Robert Vincent Ryan úr SR með 546,9 stig og þriðji varð Þorsteinn B. Bjarnarson úr SR með 519,4 stig. Í kvennaflokki sigraði Íris Eva Einarsdóttir úr SR með 586,5 stig og Jórunn Harðardóttir úr SR önnur með 583,1 stig. Einnig voru Íslandsmeistarar í flokkum krýndir. Nánar á úrslitasíðu STÍ, www.sti.is og myndir eru hérna

Íslandsmeistaramótið í loftskammbyssu fór fram í Egilshöllinni í dag. Í karlaflokki sigraði Ívar Ragnarsson úr SFK með 564 stig, Jón Þór Sigurðsson úr SFK varð annar með 550 stig og Bjarki Sigfússon úr SFK þriðji með 533 stig. Í kvennaflokki sigraði Jórunn Harðardóttir úr SR með 547 stig, Kristína Sigurðardóttir úr SR varð önnur með 541 stig og þriðja varð Aðalheiður L. Guðmundsdóttir úr SSS með 530 stig. Óðinn Magnússon úr SKY varð Íslandsmeistari drengja með 473 stig. Íslandsmeistari stúlkna varð Sóley Þórðardóttir úr SKAUST með 511 stig en Viktoría E. Bjarnarson úr SR varð önnur með 409 stig. Einnig var keppt um Íslandsmeistaratitla í flokkum. Nánar á úrslitasíðu www.sti.is og myndir hér.