Skotfélag Reykjavíkur

Sunnudagur, 14. ágúst 2022 20:45

Íslandsmeistaramótið í haglabyssugreininni Skeet fór fram á skotvelli Skotfélags Reykjavíkur á Álfsnesi. Undanþága fékkst hjá Umhverfisráðherra til að geta haldið mótið á svæðinu, þar sem starfsleyfisumsókn félagsins hefur ekki verið afgreidd hjá Heilbrigðsieftirliti Reykjavíkurborgar. Mótið stóð yfir í tvo daga og lauk svo með úrslitakeppninni eftir hádegi í dag.

Í karlaflokki varð Stefán Gísli Örlygsson úr Skotfélagi Akraness Íslandsmeistari eftir spennandi viðureign við Hákon Þ. Svavarsson nýkrýndan Norurlandameistara. Þeir enduðu á bráðabana þar sem Stefán skaut einni dúfu meira en Hákon. Í þriðja sæti varð Guðlaugur Bragi Magnússon úr Skotfélagi Akureyrar.

Í kvennaflokki varð Íslandsmeistari María Rós Arnfinnsdóttir úr Skotíþróttafélagi Hafnarfjarðar, Helga Jóhannsdóttir úr sama félagi varð önnur, en hún jafnaði eigið Íslandsmet í undankeppninni. Í þriðja sæti hafnaði svo Dagný Huld Hinriksdóttir úr Skotfélagi Reykjavíkur. Daníel Logi Heiðarsson úr Skotfélagi Akureyrar varð Íslandsmeistari unglinga. Í liðakeppninni sigraði sveit Skotíþróttafélags Suðurlands, en sveitir Skotíþróttafélags Hafnarfjarðar hlutu annað og þriðja sætið. Jafnframt voru krýndir Íslandsmeistarar í flokkum. Nánar á úrslitasíðunni, www.sti.is

Staðan eftir fyrri daginn á Íslandsmótinu í Skeet

Laugardagur, 13. ágúst 2022 18:32
Staðan eftir fyrri daginn á Íslandsmeistaramótinu í Skeet á Álfsnesi er hérna. Keppni hefst svo að nýju í fyrramálið kl. 10 en þá verða skotnir 2 hringir og síðan eru úrslitin eftir hádegi í karla og kvennaflokki. Í karlaflokki leiðir Hákon Þ. Svavarsson úr SFS og í kvennaflokki Helga Jóhannsdóttir úr SÍH.

Riðlaskipting á Íslandsmótinu um næstu helgi

Þriðjudagur, 09. ágúst 2022 07:47

Hérna kemur riðlaskipting á Íslandsmótinu í Skeet um næstu helgi. Opinberi æfingadagurinn fyrir mótið er á fimmtudaginn, EKKI á föstudag, því þá skal vera lokað samkvæmt ákvörðun Heilbrigðiseftirlits Reykjavíkur, af ástæðum sem ekki liggja fyrir. Keppendur geta hins vegar nýtt sér eftirtalda æfingatíma í vikunni: Þriðjudag og miðvikudag kl.13-19 og svo á fimmtudaginn kl.13-21.

Hákon Þ. Svavarsson Norðurlandameistari í Skeet

Föstudagur, 05. ágúst 2022 16:13

Hákon Þór Svavarsson úr Skotíþróttafélagi Suðurlands varð í dag Norðurlandameistari í haglabyssugreininni SKEET. Þetta er fyrsti Norðurlandatitill Íslendinga í skotfimi frá upphafi. Mótið fer fram í Kouvola í Finnlandi. Ísland á 11 keppendur á mótinu að þessu sinni og hafa þau staðið sig með prýði. Nánari upplýsingar má fá á heimasíðu Skotíþróttasambandsins, www.sti.is

Leyfi vegna Íslandsmótsins í SKEET komið

Fimmtudagur, 04. ágúst 2022 11:36

Ráðherra Umhverfis-,orku- og loftslagsmála hefur veitt félaginu undanþágu til að geta haldið Íslandsmeistaramótið í Skeet á svæði félagsins á Álfsnesi. Eingöngu verður opið til æfinga fyrir keppendur á mótinu. Opinber æfingadagur verður þó frábrugðinn alþjóðlegu reglunum því ekki verður leyft að skjóta á föstudeginum 12.ágúst. Æfingadagurinn verður því fimmtudaginn 11.ágúst í staðinn. Samkvæmt undanþágunni geta keppendur æft mánudaginn 8.ágúst og fimmtudaginn 11.ágúst á tímanum 10-21, þriðjudaginn 9.ágúst og miðvikudaginn 10.ágúst kl.10-19. Keppnisdagana 13.og14.ágúst er heimilt að skjóta frá kl.10:00 til kl. 19:00. Lesa má úrskurðinn í heild sinni hér.

Við minnum keppendur á Íslandsmótinu að skrá sig tímanlega hjá sínu félagi en skráningarfresti lýkur á miðnætti sunnudaginn 7.ágúst 2022.

Pétur keppti á Italian Open um helgina

Sunnudagur, 24. júlí 2022 18:05
Pétur T. Gunnarsson keppti á Italian Open í Skeet stórmótinu sem haldið var um helgina. Þetta er gríðasterkt mót sem margir af þeim allrabestu tóku þátt. Pétur stóð sig frábærlega og var skorið 118 stig af 125 mögulegum. Þetta dugði honum í 19.sætiÂ að þessu sinni.