Landsmót STÍ Grófri skammbyssu fer fram í Egilshöllinni á sunnudaginn. Keppendur eru 6 talsins frá tveimur félögum. Halda átti einnig mót í Sport skammbyssu á laugardaginn en því móti hefur verið aflýst vegna of fárra skráninga. Keppni á sunnudaginn hefst kl.10:30. Hægt verður að fylgjast með skorinu í beinni hérna.

Keppnisæfing er kl.16-18 á laugardaginn

Um helgina fóru fram tvö fyrstu landsmót vetrarins. Þau fóru fram í Egilshöllinni en á laugardaginn var keppt í 50 metra Liggjandi riffli og sigraði Guðmundur H. Christensen úr SR í karlaflokki með 609,3 stig, Valur Richter úr SÍ varð annar með 606,5 stig og riðji Jón Á. Þórisson úr SR með 602,1 stig. Gullið í kvennaflokki fékk Jórunn Harðardóttir úr SR með 609,5 stig og í unglingaflokki Karen Rós Valsdóttir úr SÍ með 551,7 stig.

Í dag fór svo fram keppni í Þrístöðu-riffli á 50 metra færi. Þórir Kristinsson úr SR sigraði með 541 stig, Guðmundur H. Christensen úr SR varð annar með 523 stig og þriðji Valur Richter úr SÍ með 521 stig. Í kvennaflokki hlaut Jórunn Harðardóttir úr SR gullið með 543 stig. Nánar á úrslitasíðu STÍ hérna.

Um helgina fer fram fyrsta landsmót vetrarins. Á laugardaginn er keppt í 60m liggjandi riffli og á sunnudaginn er það svo þrístöðuriffilkeppnin. Lokað er fyrir aðrar æfingar yfir helgina. 

Fylgjast má með skorinu hérna, og hérna í þrístöðunni

Heimsmeistaramótinu í bekkskotfimi á 50 metra færi (Bench Rest BR50) sem fór fram í Frakklandi undanfarna daga lauk í dag. Við áttum þar þrjá keppendur, Davíð B. Gígja varð í 55.sæti með 1483/71 stig, Egill Ragnarsson í 86.sæti með 1470/69 stig, og Kristberg Jónsson í 99.sæti með 1448/46 stig. Walter Botta frá Ítalíu varð heimsmeistari í einstaklingskeppninni en skorið hjá honum var 1498/114 stig, Pedro Serralheiro frá Portúgal varð annar með 1498/106 stig og þriðji varð Luis Pereira frá Portúgal með 1497/94 stig. Nánar hérna.

Umhverfis-, orku- og loftslagsráðuneytið hefur veitt félaginu undanþágu til þess að halda skotvopnanámskeið UST og lögreglu næstu fjóra laugardaga kl.10-16. Lesa má undanþágubréfið hérna.