Á Landsmóti STÍ á Húsavík verður finallinn með örlítið breyttu sniði þannig að skorið sem menn ná í undankeppninni fylgir áfram inní finalinn einsog var áður. Reglan frá STÍ er komin hérna. Við minnum keppnismenn okkar að skrá sig tímanlega á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. en skráningu lýkur á þriðjudaginn.

Ellert Aðalsteinsson (108) úr Skotfélagi Reykjavíkur varð í dag Íslandsmeistari í karlaflokki á Íslandsmótinu í haglabyssukeppninni Skeet í Þorlákshöfn í dag eftir harða keppni við Gunnar Gunnarsson (109) úr SFS og sigraði með 14 stigum gegn 13 í finalnum. Guðmann Jónasson úr MAV varð þriðji eftir final við Hákon Þ. Svavarsson úr SFS 14 stig gegn 12.  

A-sveit Skotfélags Reykjavíkur varð Íslandsmeistari í liðakeppninni með innaborðs Ellert Aðalsteinsson (108), Stefán G. Örlygsson (100) og Örn Valdimarsson (107). Þeir settu jafnframt nýtt Íslandsmet liða 315 stig ! Í öðru sæti liða varð sveit Skotíþróttafélags Hafnarfjarðar með Sigurþór Jóhannesson (104), Jakob Þ.Leifsson og Sigurð J.Sigurðsson með 300 stig og í þriðja sæti varð svo B-sveit Skotfélags Reykjavíkur með einu stigi minna eða 299 sti með innanborðs þá Kjartan Örn Kjartansson (96), Guðmund Pálsson og Þorgeir M.Þorgeirsson.

Í öldungaflokki sigraði Hjörtur Sigurðsson með 86 stig, Gunnar Sigurðsson varð annar með 82 stig og Gurðbrandur Kjartansson þriðji með 50 stig. Allir koma þeir úr Skotfélagi Reykjavíkur. Í unglingaflokki varð Sigurður U. Hauksson (103) úr Skotfélagi Húsavíkur Íslandsmeistari.

Íslandsmeistarar í flokkum urðu eftirtaldir, Hákon Þ. Svavarsson úr SFS í meistaraflokki, Ellert Aðalsteinsson úr SR í 1.flokki, Gunnar Gunnarsson úr SFS í 2.flokki, Kjartan Örn Kjartansson úr SR í 3.flokki og Aðalsteinn Svavarsson úr SÍH í 0.flokki.

Fleiri myndir frá úrslitunum eru hérna og síðan kemur mótaskýrslan innan skamms. _/gkg

Ásgeir Sigurgeirsson endaði í 15.sæti á Evrópumeistaramótinu í Króatíu í dag í Frjálsri skammbyssu. Keppendur voru 49 bestu skotmenn Evrópu. Skorið hjá honum var fínt eða 91 92 89 95 94 92 alls 553 stig og vantaði hann aðeins 2 stig til að komast í úrslit efstu 8 manna. Ásgeir er sem stendur í 17.sæti á Evrópulistanum í Frjálsu skammbyssunni og í 33.sæti á heimslistanum.

Úrslit riffilmóts Zeiss og Hlað eru komin hérna.

Snjólaug Jónsdóttir úr Skotfélaginu Markviss frá Blönduósi varð í dag Íslandsmeistari kvenna í skeet-haglabyssu. Í úrslitunum keppti hún við okkar konu Dagnýju H. Hinriksdóttur en einungis munaði einu stigi á þeim í lokin. Árný G. Jónsdóttir varð í 5.-6.sæti. Snjólaug setti einnig nýtt Íslandsmet í undankeppninni, 42 stig. Karlarnir skutu 3 hringi í dag og er Gunnar Gunnarsson efstur eftir fyrri daginn með 66 stig. Okkar menn, Ellert Aðalsteinsson og Örn Valdimarsson koma næstir með 65 stig. Keppnin heldur svo áfram í fyrramálið og hefst hún kl.10:00.  _/gkg