Á siðastliðnu ári unnu félagsmenn okkar til 13 Íslandsmeistaratitla í einstaklingsgreinum en þeir eru:

• 60sk liggjandi riffill kvenna - Jórunn Harðardóttir
• Loftskammbyssa karla - Ásgeir Sigurgeirsson
• Loftskammbyssa kvenna - Jórunn Harðardóttir
• Loftriffill karla - Guðmundur Helgi Christensen
• Loftriffill kvenna - Jórunn Harðardóttir
• Loftriffill kvenna unglinga - Íris Eva Einarsdóttir
• Sportskammbyssa karla - Karl Kristinsson
• Sportskammbyssa kvenna - Jórunn Harðardóttir
• Stöðluð skammbyssa karla - Karl Kristinsson
• Stöðluð skammbyssa kvenna - Jórunn Harðardóttir
• Frjáls Skammbyssa karla - Ásgeir Sigurgeirsson
• Frjáls skammbyssa kvenna - Jórunn Harðardóttir
• Gróf Skammbyssa karla - Karl Kristinsson

Stjórn félagsins óskar ykkur öllum til hamingju með árangurinn og hvetur ykkur til frekari afreka á árinu 2011. 

Stjórn félagsins þakkar samstarfið á liðnu ári og óskar félagsmönnum og velunnurum félagsins farsældar á nýju ári.

Um áramót er oft horft um öxl og farið yfir starfið á liðnu ári.

Á Gamlársdag hélt félagið hin árlegu Áramót í riffli Bench-Rest og Ólympískri Skeet-haglabyssu. 40 keppendur mættu og spreyttu sig við fínar aðstæður. Áramótið á sér langa hefð og var, og er, ávallt síðasta íþróttamótið sem haldið er af aðildarfélögum Íþróttabandalags Reykjavíkur á hverju ári.  Í fyrra var ákveðið að halda mótið einnig í riffilkeppni og hefur það mælst afar vel fyrir. Reyndar fór aðeins að blása og kólna þegar á leið en allir höfðu gaman af. Úrsilt eru nánar hérna í haglabyssunni og hérna í rifflinum. Myndir frá verðlaunaafhendingunni eru svo hérna.

Skotíþróttasamband Íslands hefur útnefnt þau Ásgeir Sigurgeirsson og Jórunni Harðardóttur sem Skotíþróttakarl-og konu Ársins 2010. Þau eru bæði úr okkar okkar félagi. Fyrir hönd allra félagsmanna óskum við þeim hjartanlega til hamingju með þetta og óskum þeim alls hins besta í náinni framtíð. 

Stjórn félagsins óskar félagsmönnum og velunnurum félagsins gleðilegrar hátíðar.