Hérna koma riðlar mótanna um helgina. Á laugardaginn er það loftskammbyssa og loftriffill á Christensenmótinu. Á sunnudaginn Íslandsmótið í frjálsri skammbyssu. Keppnsiæfing fyrir Christensenmótið milli kl.17-19 á föstudag

Vetrarstarfinu í Egilshöllinni er nú að ljúka og er síðasti opnunardagur miðvikudagurinn 9.maí. Við opnum svo aftur í byrjun október.

Íslandsmótið í Þrístöðuriffli 3x40skot fór fram í Egilshöllinni í dag. Jórunn Harðardóttir úr Skotfélagi Reykjavíkur setti nýtt Íslandsmet í kvennaflokki, 1,081 stig og varð Íslandsmeistari, Bára Einarsdóttir úr Skotíþróttafélagi Kópavogs varð önnur með 1,043 stig og Guðrún Hafberg úr Skotíþróttafélagi Kópavogs varð í 3ja sæti með 975 stig. Sveit Skotíþróttafélags Kópavogs varð Íslandsmeistari í kvennaflokki með 2,874 stig en sveitina skipuðu þær Bára og Guðrún ásamt Margréti L. Alfreðsdóttur.

Í karlaflokki varð Guðmundur Helgi Christensen úr Skotfélagi Reykjavíkur Íslandsmeistari með 1,076 stig, Theódór Kjartansson úr Skotdeild Keflavíkur varð annar með 1,017 stig og þriðji varð Valur Richter úr Skotíþróttafélagi Ísafjarðar með 967 stig. Sveit Skotíþróttafélags Ísafjarðar varð Íslandsmeistari í karlaflokki með 2,827 stig en sveitina skipuðu þeir Valur Richter, Leifur Bremnes og Ívar M. Valsson. Eins voru krýndir Íslandmeistarar í hverjum flokki en nánar má sjá úrslitin á úrtslitasíðunni á www.sti.is

Á Íslandsmeistaramótinu í 50m liggjandi riffli, sem haldið var í Kópavogi í dag, varð Guðmundur Helgi Christensen úr SR Íslandsmeistari í karlaflokki og í kvennaflokki varð Jórunn Harðardóttir úr SR Íslandsmeistari.

Guðmundur Helgi Christensen úr Skotfélagi Reykjavíkur varð Íslandsmeistari í opnum karlaflokki á Íslandsmeistaramótinu í 50m liggjandi riffli sem fram fór í Íþróttahúsinu Digranesi laugardaginn 5. maí en skor Guðmundar Helga var 616,8 stig. Arnfinnur Auðunn Jónsson, Skotíþróttafélagi Kópavogs var annar með 611,9 stig og Jón Þór Sigurðsson, einnig úr SFK, varð þriðji með 611,6 stig.

Í liðakeppni Karlaflokksins varð A sveit SFK íslandsmeistari á 1816,5 stigum. Sveitina skipuðu þeir Arnfinnur og Jón Þór auk Hans Jörgens Hansen. Í öðru sæti liðakeppninnar varð A sveit Skotíþróttafélags Ísafjarðarbæjar. Þá sveit skipuðu Valur Richter, Ívar Már Valsson og Guðmundur Valdimarsson. A sveit SR varð í þriðja sæti liðakeppninnar. Sveit SR var skipuð Guðmundi Helga Christensen, Þorsteini B. Bjarnarsyni og Jóni Árna Þórissyni.

Í Meistaraflokki karla urðu úrslitin þau sömu og í opna karlaflokkinum.
Í 1. flokki karla varð Guðmundur Valdimarsson, SÍ, Íslandsmeistari. Valur Richter, SÍ, varð annar og Þorsteinn B. Bjarnarson, SR, þriðji.

Í 2. flokki hampaði Hans Jörgen Hansen, SFK, Íslandsmeistaratitlinum. Þórir Kristinsson, SR, varð annar og Bjarni Sigurðsson, Skotdeild Keflavíkur, varð í þriðja sæti.

Í 3. flokki varð Erling Þ. Kristjánsson, SÍ, Íslandsmeistari. Ingvar Bremnes, einnig úr SÍ, varð annar og Jón Árni Þórisson, SR, varð þriðji.

Guðmundur Ævar Guðmundsson varð Íslandsmeistari í 0 flokki. Hálfdán R Guðmundsson varð annar og Birgir Örn Sveinsson varð þriðji en þeir kepptu allir fyrir Skotíþróttafélag Kópavogs.

Jórunn Harðardóttir, SR, varð Íslandsmeistari kvenna í opnum flokki með 603,8 stig. Bára Einarsdóttir, SFK varð í öðru sæti með 599,7 stig en þær stöllur skipuðu einnig sömu sæti í meistaraflokki kvenna. Guðrún Hafberg,SFK, varð þriðja í opna flokkinum með 581,0 stig en Guðrún varð jafnframt Íslandsmeistari í 2. flokki.

Margrét L. Alfreðsdóttir, SFK, varð Íslandsmeistari í 1. flokki kvenna.

A sveit Skotíþróttafélags Kópavogs varð íslandsmeistari í liðakeppni kvenna. Skor sveitarinnar var 1755,4 stig en sveitina skipuðu þær Bára, Guðrún og Margrét.

Jón Þór Sigurðsson og Bára Einarsdóttir úr Skotíþróttafélagi Kópavogs urðu Bikarmeistarar í 50m liggjandi riffli á keppnisárinu.

_{Mynd: JAK}

Hreindýraprófin eru byrjuð hjá okkur. Allar upplýsingar um próftökur eru á þessari slóð