Skotfélag Reykjavíkur

Þriðjudagur, 24. júlí 2018 07:44

Skotfélag Reykjavíkur hélt riffilnámskeið síðustu helgi fyrir félagsmenn sína sem hafa keppt fyrir félagið undanfarin misseri í ISSF riffilskotgreinum. Auk þeirra tóku þátt tveir félagsmenn Skotíþróttafélags Kópavogs sem eru á leiðinni á heimsmeistaramót í S-Kóreu síðar í haust.

Kennarar á námskeiðinu voru þau Snjezana Pejcic frá Króatíu og Steffen Olsen frá Danmörku en þau eru bæði afburða keppnismenn í loftriffli, prone og þrístöðu í 50 og 300 m riffli. Snjezana á t.d. gildandi heimsmet í þrístöðu kvenna, er í efsta sæti heimslistans í þrístöðu, vann til bronsverðlauna á Olympíuleikunum í Peking og hefur unnið til yfir 20 verðlauna á heimsmeistara-, Evrópu- og heimsbikarmótum. Steffen er margkrýndur danskur meistari og hlaut silfur í þrístöðu á síðasta heimsbikarmóti í Fort Benning og er í níunda sæti á heimslistanum í þrístöðu. Einnig lumar hann á fjölmörgum Danmerkurmetum í hinum ýmsu riffilgreinum.

Æfingabúðirnar tókust með eindæmum vel og voru Snjezana og Steffen iðin við að segja nemendum til, stilla riffla og lagfæra stöður. Margir „ósiðir“ voru lagaðir svo sem takmörkuð eftirmiðun sem hrjáði flesta! Það var gaman að sjá hversu mikið grúppur einstaklinga minnkuðu mikið og var sérstaklega ánægjulegt að sjá hversu miklum framförum unglingarnir náðu. Nú er því komið að því að melta allar þessar nýju upplýsingar og byrja stífar æfingar til að halda áfram þar sem frá var horfið.

Silfur og brons hjá SR-ingum á landsmóti í Skeet

Mánudagur, 23. júlí 2018 07:28

Á landsmóti STÍ sem lauk á Akranesi í dag sigraði Hákon Þór Svavarsson úr SFS með 53 stig (115), annar varð Stefán Gísli Örlygsson úr SKA með 50 stig (117) og í þriðja sæti hafnaði Guðlaugur Bragi Magnússon úr SA með 40 stig (120).

Í kvenna keppninni sigraði Snjólaug M. Jónsdóttir úr MAV meö 39 stig (83), önnur varð Helga Jóhannsdóttir úr SFS með 38 stig (96) og í þriðja sæti varð Dagný H. Hinriksdóttir úr SR með 22 stig (93).

Í unglingakeppni mættu tveir til keppni og sigraði Ágúst Ingi Davíðsson úr SFS með 81 stig en í öðru sæti varð Daníel Logi Hreiðarsson með 72 stig.

Í liðakeppni karla sigraði sveit Skotíþróttafélags Suðurlands með 321 stig ( Hákon Þór Svavarsson 115, Jakob Þór Leifsson 109, Aðalsteinn Svavarsson 94), önnur varð sveit Skotfélags Reykjavíkur með 318 stig ( Sigurður Unnar Hauksson 112, Guðmundur Pálsson 111, Kjartan Örn Kjartansson 95) og í þriðja sæti sveit Skotfélags Akureyrar með 307 stig (Grétar Mar Axelsson 115, Guðlaugur Bragi Magnússon 120 stig , Daníel Logi Heiðarsson 72 stig.) Nánari úrslit á www.sti.is

Íslandsmet hjá landsliðinu í skeet í USA

Laugardagur, 14. júlí 2018 16:05

Okkar menn voru að ljúka keppni á heimsbikarmótinu í Tucson í USA. Sigurður Unnar Hauksson náði heldur betur að rétta úr kútnum eftir slæman fyrsta hring og endaði á 116 stigum í 34.sæti (18-24-25-25-24). Stefán Gísli Örlyggson hafnaði í 37.sæti með 115 stig (24-20-23-23-25) og Hákon Þ. Svavarsson varð í 48.sæti með 113 stig (24-21-22-23-23) en alls voru það 60 keppendur sem luku keppni. Árangur liðsins er nýtt Íslandsmet 344 stig en gamla metið var 339 stig sem landslið okkar setti á HM í Lonato á Ítalíu 2015.

Þórey Inga Helgadóttir úr SR varð í öðru sæti

Sunnudagur, 08. júlí 2018 20:02

Helga Jóhannsdóttir úr SFS, sigraði á Landsmóti STÍ í skeet sem haldið var á Akureyri um helgina, með 89 stig, önnur varð Þórey Inga Helgadóttir úr SR með 76 stig og í þriðja sæti Guðrún Hjaltalín úr SKA með 57 stig.

Í karlaflokki sigraði Pétur T. Gunnarsson úr SÍH með 46 stig (107), annar varð Guðlaugur Bragi Magnússon úr SA með 45 stig (117) og í þriðja sæti hafnaði Jakob Þór Leifsson úr SÍH með 37 stig (102). Guðmundur Pálsson úr SR varð fjórði með 28 stig (102) og Kjartan Örn Kjartansson úr SR í sjöunda sæti með 94 stig í undankeppninni.Â Nánari úrslit eru á úrslitasíðunni á www.sti.is

Ásgeir á styrk frá Ólympíusamhjálpinni

Þriðjudagur, 26. júní 2018 07:55
Ásgeir Sigurgeirsson skrifaði undir styrktarsamning frá Alþjóða Ólympíuhreyfingunni sem gildir fram að næstu Ólympíuleikum. Nánari umfjöllun er á heimasíðu Skotíþróttasambandsins, www.sti.isÂ

Guðmundur Helgi með Íslandsmet í Danmörku

Sunnudagur, 24. júní 2018 21:54
Guðmundur Helgi Christensen úr Skotfélagi Reykjavíkur keppti á 17.Mastersmótinu í riffli sem fram fór í Árósum í Danmörku um helgina. Hann setti nýtt Íslandsmet í final í Þrístöðuriffli 391,0 stig. Nánari úrslit eru hérna.