Skotfélag Reykjavíkur

Guðmundur Helgi og Jórunn Íslandsmeistarar í dag

Laugardagur, 05. maí 2018 17:31

Á Íslandsmeistaramótinu í 50m liggjandi riffli, sem haldið var í Kópavogi í dag, varð Guðmundur Helgi Christensen úr SR Íslandsmeistari í karlaflokki og í kvennaflokki varð Jórunn Harðardóttir úr SR Íslandsmeistari.

Guðmundur Helgi Christensen úr Skotfélagi Reykjavíkur varð Íslandsmeistari í opnum karlaflokki á Íslandsmeistaramótinu í 50m liggjandi riffli sem fram fór í Íþróttahúsinu Digranesi laugardaginn 5. maí en skor Guðmundar Helga var 616,8 stig. Arnfinnur Auðunn Jónsson, Skotíþróttafélagi Kópavogs var annar með 611,9 stig og Jón Þór Sigurðsson, einnig úr SFK, varð þriðji með 611,6 stig.

Í liðakeppni Karlaflokksins varð A sveit SFK íslandsmeistari á 1816,5 stigum. Sveitina skipuðu þeir Arnfinnur og Jón Þór auk Hans Jörgens Hansen. Í öðru sæti liðakeppninnar varð A sveit Skotíþróttafélags Ísafjarðarbæjar. Þá sveit skipuðu Valur Richter, Ívar Már Valsson og Guðmundur Valdimarsson. A sveit SR varð í þriðja sæti liðakeppninnar. Sveit SR var skipuð Guðmundi Helga Christensen, Þorsteini B. Bjarnarsyni og Jóni Árna Þórissyni.

Í Meistaraflokki karla urðu úrslitin þau sömu og í opna karlaflokkinum.
Í 1. flokki karla varð Guðmundur Valdimarsson, SÍ, Íslandsmeistari. Valur Richter, SÍ, varð annar og Þorsteinn B. Bjarnarson, SR, þriðji.

Í 2. flokki hampaði Hans Jörgen Hansen, SFK, Íslandsmeistaratitlinum. Þórir Kristinsson, SR, varð annar og Bjarni Sigurðsson, Skotdeild Keflavíkur, varð í þriðja sæti.

Í 3. flokki varð Erling Þ. Kristjánsson, SÍ, Íslandsmeistari. Ingvar Bremnes, einnig úr SÍ, varð annar og Jón Árni Þórisson, SR, varð þriðji.

Guðmundur Ævar Guðmundsson varð Íslandsmeistari í 0 flokki. Hálfdán R Guðmundsson varð annar og Birgir Örn Sveinsson varð þriðji en þeir kepptu allir fyrir Skotíþróttafélag Kópavogs.

Jórunn Harðardóttir, SR, varð Íslandsmeistari kvenna í opnum flokki með 603,8 stig. Bára Einarsdóttir, SFK varð í öðru sæti með 599,7 stig en þær stöllur skipuðu einnig sömu sæti í meistaraflokki kvenna. Guðrún Hafberg,SFK, varð þriðja í opna flokkinum með 581,0 stig en Guðrún varð jafnframt Íslandsmeistari í 2. flokki.

Margrét L. Alfreðsdóttir, SFK, varð Íslandsmeistari í 1. flokki kvenna.

A sveit Skotíþróttafélags Kópavogs varð íslandsmeistari í liðakeppni kvenna. Skor sveitarinnar var 1755,4 stig en sveitina skipuðu þær Bára, Guðrún og Margrét.

Jón Þór Sigurðsson og Bára Einarsdóttir úr Skotíþróttafélagi Kópavogs urðu Bikarmeistarar í 50m liggjandi riffli á keppnisárinu.

_{Mynd: JAK}

Hreindýraprófin eru byrjuð á fullu

Fimmtudagur, 03. maí 2018 23:04
Hreindýraprófin eru byrjuð hjá okkur. Allar upplýsingar um próftökur eru á þessari slóð

Íslandsmót í Egilshöll á sunnudaginn

Fimmtudagur, 03. maí 2018 22:34
Á sunnudaginn er Íslandsmót í Þrístöðuriffli 3x40 skot í Egilshöllinni. Á laugardaginn er einnig Íslandsmót í 50 metra liggjandi riffli í Digranesi.

Reykjavíkurmeistarar og Íslandsmet í dag

Laugardagur, 21. apríl 2018 17:18

Þrjú Íslandsmet féllu á Reykjavíkurmóti í skotfimi sem haldið var hjá Skotfélagi Reykjavíkur (SR)ÂÂ í Egilshöll í dag. Íris Eva Einarsdóttir (SR) setti nýtt Íslandsmet í loftriffli kvenna og skaut 605,4 stig og varð samtímis Reykjavíkurmeistari. Í öðru sæti varð Jórunn Harðardóttir (SR) með 595,3 stig og í þriðja sæti varð Bára Einarsdóttir úr Skotíþróttafélagi Kópavogs (SFK).

Í unglingaflokki varð Viktoría Erla Bjarnarson (SR) Reykjavíkurmeistari á 547,5 stigum og í öðru sæti varð Alexandra Björg Vilhjálmsdóttir (SR) með 479,1 stig. Þær Íris, Jórunn og Viktoría settu einnigÂÂ nýtt Íslandsmet í liðakeppni kvenna,ÂÂ 1748,2 stig.

Þriðja Íslandsmetið féll í loftriffli unglinga þar sem Magnús Guðjón Jensson bætti fyrra met sitt og skaut 568,1 stig, í öðru sæti varð Jakub Ingvar Pitak með 535,7 stig og þriðji varð Elmar Torstein Sverrisson með 502,8 stig. Þeir félagar eru allir í Skotdeild Keflavíkur (SK).

Í loftriffli karla náðiÂÂ Guðmundur Helgi Christensen (SR) ReykjavíkurmeistaratitlinumÂÂ á 586,9 stigum, Robert Vincent Ryan (SR)ÂÂ hreppti annað sætið með 556,6 stig og í þriðja sæti varð Þórir Kristinsson (SR) á 543,6 stigum.

Reykjavíkurmeistari í loftskammbyssu karla varð Ásgeir Sigurgeirsson úr SR á 582 stigum, Þorlákur Bernhard náði öðru sæti með 514 stig og félagi hans Ingvi EðvaldssonÂÂ úr Skotdeild Keflavíkur varð þriðji með 513 stig. Reykjavíkurmeistari í loftskammbyssu kvenna varð Jórunn Harðardóttir (SR) áÂÂ 553 stigum og í öðru sæti varð Bára Einarsdóttir úr SFK með 527 stig.

Reykjavíkurmeistari loftriffill kvenna Íris Eva Einarsdóttir

Reykjavíkurmeistari loftriffill kvenna unglingaÂ Viktoría Erla Bjarnarson

Reykjavíkurmeistari loftriffill karla Guðmundur Helgi Christensen

Reykjavíkurmeistari loftskammbyssa kvenna Jórunn Harðardóttir

Reykjavíkurmeistari loftskammbyssaÂÂ karla Ásgeir Sigurgeirsson

Reykjavíkurmót á laugardaginn

Fimmtudagur, 19. apríl 2018 11:10
Reykjavíkurmótið í loftskammbyssu og loftriffli fer fram í Egilshöllinni á laugardaginn. Loftskammbyssukeppni er kl. 10:00 og loftriffilkeppnin kl. 12:00. Keppnisæfing föstudag kl.17-19

Íslandsmót í Sport skammbyssu í Egilshöll í dag

Sunnudagur, 15. apríl 2018 19:24

Íslandsmótið í Sport skammbyssu fór fram í Egilshöllinni í dag. Íslandsmeistari varð Ívar Ragnarsson úr SFK með 551 stig og 6 innri tíur, í öðru sæti Friðrik Goethe úr SFK með 551 stig og 5 innri tíur. Í þriðja sæti varð Þórður Ívarsson úr SA með 536 stig. Íslandsmeistarar í liðakeppninni urðu A-lið Skotíþróttafélags Kópavogs (SFK) með 1,620 stig, í öðru sæti sveit Skotfélags Reykjavíkur með 1,520 stig og í þriðja sæti sveit Skotfélags Akureyrar með 1,475. Nánari úrslit eru á úrslitasíðunni á www.sti.is