Afmælisfagnaður félagsins var haldinn í Egilshöllinni á laugardaginn. Fjöldi karla og kvenna heimsótti okkur í tilefni dagsins. Ingvar Sverrisson formaður Íþróttabandalags Reykjavíkur afhenti Jórunni Harðardóttur veglega peningagjöf í tilefni 150 ára afmælisins. Ingvar sæmdi einnig Guðmund Kr. Gíslason framkvæmdastjóra félagsins gullmerki ÍBR fyrir vel unnin störf undanfarna áratugi. Bjarni Sigurðsson formaður Skotdeildar Keflavíkur færði félaginu blómvönd og ýmsar heillaóskakveðjur bárust úr ýmsum áttum. Nokkrar myndir frá deginum eru hérna.

Áramótið í skeet verður haldið á Álfsnesi laugardaginn 6.janúar 2018. Mæting kl.11:30 og mótið hefst svo kl.12:00. Skotnir verða 3 hringir eftir forgjafarkerfi SR. Allir velkomnir.

9.des: Á landsmóti STÍ í 60sk liggjandi riffli sem fram fór í Egilshöllinni í dag setti Bára Einarsdóttir úr Skotíþróttafélagi Kópavogs nýtt Íslandsmet, 617,3 stig. Í öðru sæti varð Jórunn Harðardóttir úr Skotfélagi Reykjavíkur með 610,0 stig og í þriðja sæti varð Margrét L Alfreðsdóttir úr SFK með 587,5 stig. Í liðakeppninni var ein sveit skráð til leiks, sveit Skotíþróttafélags Kópavogs og setti hún nýtt Íslandsmet 1.781,0 stig en hún var skipuð þeim Báru og Margréti ásamt Guðrúnu Hafberg....

Hið árlega áramót félagsins í riffli verður haldið laugardaginn 30.des á Álfsnesi.

Veiðirifflamótið: Mæting keppenda er kl.11:30. Keppni kl.12:00 
 Skotið verður á rauðu skífurnar (BR 100+200) á 100 og 200 metra færi, 10 skot á hverja skífu (2 skot í hring). Æfingaskot leyfð.
 Eingöngu leyfðir rifflar með tvífæti á forskefti og engan stuðning (púða) við afturskefti nema öxlina. Öll kaliber leyfð en engar hlaupbremsur.
 Gott væri að fá skráningu senda á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. til að sjá fjöldann sem hefði hug á að mæta.

Vegna afmælisfagnaðar félagsins í Egilshöllinni á laugardaginn verður svæðið á ÁLFSNESI lokað þann daginn en í staðinn verður opið á Sunnudaginn á sama tíma, kl.12-16 !!!