Íslandsmótið í loftskammbyssu fór fram í Egilshöllinni í Grafarvogi í dag. Eitt Íslandsmet féll en Sigríður L. Þorgilsdóttir úr Skotfélagi Akureyrar bætti metið í unglingaflokki en hún skoraði 465 stig og varð Íslandsmeistari unglinga. Í öðru sæti varð Sóley Þórðardóttir úr SA með 410 stig og í þriðja sæti varð Ingibjörg Y. Gunnarsdóttir úr SR.

Í karlaflokki varð Ásgeir Sigurgeirsson úr SR Íslandsmeistari með 572 stig, Ingvar Bremnes úr SÍ varð annar með 540 stig og í þriðja sæti hafnaði Þórður Ívarsson úr SA með 538 stig.

Í kvennaflokki varð Jórunn Harðardóttir úr SR Íslandsmeistari með 554 stig, önnur varð Bára Einarsdóttir úr SFK með 529 stig og í þriðja sæti Kristína Sigurðardóttir úr SR með 523 stig.

Í liðakeppni karla varð A-sveit Skotíþróttafélags Kópavogs Íslandsmeistari með 1,538 stig, í öðru sæti varð sveit Skotfélags Reykjavíkur með 1,529 stig og í þriðja sæti sveit Skotfélags Akureyrar með 1,381 stig.

Í kvennakeppninni sigraði A-sveit Skotíþróttafélags Kópavogs með 1,538 stig, önnur varð sveit Skotfélags Akureyrar með 1,423 stig og í þriðja sæti hafnaði sveit Skotfélags Akureyrar með 1,381 stig.

Nánari úrslit má finna á úrslitasíðunni á www.sti.is

Íslandsmótin í loftskammbyssu og loftriffli fara fram í Egilshöllinni um helgina. Loftskammbyssan er á laugardaginn og hefst fyrsti riðill kl.09:00, annar kl. 11:00 og þriðji kl.13:00. Loftriffilkeppnin er á sunndaginn og hefst fyrri riðillinn kl.10:00 og seinni kl.12:00.

Páskamót SR í Bench Rest á 100 og 200 metrum. Siguvegari varð Jóhannes F. Jóhannesson, annar varð Jón B. Kristjánsson og þriðji Bergur Arthúrsson.

Frábæru páskamóti var að ljúka rétt i þessu á Álfsnes. 17 keppendur mættu til leiks í blíðskapar veðri. Sigurður Unnar úr Skotfélagi Reykjavíkur stóð uppi sem sigurvegari á frábæru skori 74. Guðlaugur Bragi úr Skotfelagi Akureyrar var annar á 68 og Gummi Páls úr Skotfélagi Reykjavíkur þriðji einnig á 68.

Opið verður á Skírdag kl.12-17 á haglavöllum. Páskamótið í Bench Rest er á riffilvelli á sama tíma. Vellirnir verða opnaðir að því loknu. Á Föstudaginn langa er Páskamótið í SKEET á haglavöllunum en lokað á riffilvöllum. Opið er að venju á laugardeginum kl. 12-17. Á annan í Páskum er opið kl. 12-16 á öllum völlum. Hlökkum til að sjá ykkur öll í Páskastuði.