Það er LOKAÐ á Álfsnesi í dag vegna veðurs

Á Íslandsmóti STÍ í Þrístöðu riffli af 50 metra færi, sem haldið var í Egilshöllinni í dag, sigraði Jórunn Harðardóttir úr SR í kvennaflokki með 519 stig, önnur varð Bára Einarsdóttir úr SFK með 497 stig og í þriðja sæti varð Guðrún Hafberg úr SFK með 485 stig. Í karlaflokki sigraði Theodór Kjartansson úr SK með 1,017 stig, annar varð Þórir Kristinsson úr SR með 987 stig og í 3ja sæti varð Leifur Bremnes úr SÍ með 982 stig.

Nýju keppnis-og æfingafötin fyrir félagsmenn eru nú komin til mátunar. Dagný yfirhönnuður verður með fötin til mátunar í Egilshöllinni þriðjudaginn 2.maí og fimmtudaginn 4.maí kl.19-21. Þar getið þið fundið réttu fötin og númerin og verður svo gerð ein heildarpöntun fyrir alla. Verðin verða mjög hagstæð og ættu ekki að setja neinn á hausinn. Félagið á 150 ára afmæli í ár og því munu allir félagsmenn verða komnir í nýjan fatnað í sumarbyrjun. Fatnaðurinn er fluttur inn og seldur af fyrirtækinu Jóa Útherja í Ármúla.

Hið árlega Christensen-mót í loftbyssugreinunum fer fram í Egilshöllinni miðvikudaginn 3.maí. Breyting verður á fyrirkomulaginu frá því sem áður hefur verið og verður nú skipt í riðla. Fyrri riðill hefst kl.17:00 og seinni kl.19:00. Keppendur þurfa að senda skráningu á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. í síðasta lagi mánudaginn 1.maí. Reynt verður að verða við óskum um riðla.

Íslandsmótið í 50 metra Þrístöðu riffli fer fram í Egilshöllinni á sunnudaginn og hefst fyrri riðillinn kl. 10:00 og seinni kl. 13:30