Vegna afmælisfagnaðar félagsins í Egilshöllinni á laugardaginn verður svæðið á ÁLFSNESI lokað þann daginn en í staðinn verður opið á Sunnudaginn á sama tíma, kl.12-16 !!!

Hérna kemur riðlaskipting landsmótanna um helgina í Egilshöllinni.

Skotfélag Reykjavíkur bíður til 150 ára afmælisveislu  laugardaginn 9. desember milli 13 og 15 í aðstöðu félagsins í kjallara Egilshallar, Grafarvogi. Boðið verður upp á kaffi og með því en á sama tíma verður í gangi keppni og verðlaunaafhending í enskum riffli (60 skotum liggjandi). Við vonumst eftir að sem flestir félagsmenn og aðrir velunnarar félagsins sjái sér fært að mæta, taki þátt í afmælisfagnaðinum og fagni þessum tímamótum með okkur.

Landsmót í loftbyssugreinunum fór fram á Borgarnesi í dag. Í loftriffli unglinga bætti Magnús Guðjón Jensson úr Skotdeild Keflavíkur eigið Íslandsmet í unglingaflokki úr 513,4 stigum í 549,0 stig. Thomas Viderö úr Skotíþróttafélagi Kópavogs sigraði í loftskammbyssu karla með 552 stig. Jórunn Harðardóttir úr Skotfélagi Reykjavíkur sigraði í kvennaflokki í loftskammbyssu með 360 stig og í loftriffli með 402,5 stig. Í loftriffli karla sigraði Guðmundur Helgi Christensen úr Skotfélagi Reykjavíkur með 583,5 stig. Nánar á sti.is

Fyrsta landsmót Skotíþróttasambands Íslands á þessu keppnistímabili var haldið í Egilshöllinni í Reykjavík í dag. Keppt var í Staðlaðri skammbyssu og sigraði Jón Árni Þórisson úr Skotfélagi Reykjavíkur með 509 stig, annar varð Kolbeinn Björgvinsson úr Skotfélagi Reykjavíkur með 468 stig og í þriðja sæti Jórunn Harðardóttir með 466 stig úr Skotfélagi Reykjavíkur. Í liðakeppninni sigraði sveit Skotfélags Reykjavíkur með 1,435 stig en hana skipuðu Jón Árni, Kolbeinn og Engilbert Runólfsson. Í öðru sæti varð sveit Skotfélags Akureyrar með 1,345 stig skipuð Þórði Ívarssyni, Þorbjörgu Ólafsdóttur og Hauki F. Möller.