Christensenmótið fór fram í Egilshöllinni í kvöld. Í loftskammbyssu sigraði Ásgeir Sigurgeirsson úr SR með 575 stig, Thomas Viderö úr SFK varð annar með 552 stig og í þriðja sæti hafnaði Jórunn Harðardóttir úr SR með 548 stig. Í loftriffli sigraði Jórunn Harðardóttir úr SR með 593,9 stig, annar varð Guðmundur Helgi Christensen úr SR með 586,3 stig og þriðji Robert Vincent Ryan úr SR með 532,9 stig.

Íslandsmeistaramótið í Frjálsri skammbyssa fer fram á skotsvæði félagsins á Álfsnesi á sunnudaginn. Skráðir keppendur eru 10 talsins. Keppt er með einskota cal.22lr hlauplöngum skammbyssum, sem sérhannaðar eru fyrir þessa keppni. Þessi grein er ein sú elsta í Ólympíuprógramminu en keppt var í henni á fyrstu Ólympíuleikunum í Aþenu 1896. Þessi grein er eingöngu karlagrein á alþjóðavettvangi en Skotíþróttasambandið ákvað að opna hana fyrir bæði kyn og keppa þau því á jafnræðisgrundvelli hérlendis.

Hreindýraprófin hefjast hjá okkur þann 10.maí og opnum við þá fyrir símann hjá prófdómara. Nánar hérna.

Guðmundur Helgi Christensen úr Skotfélagi Reykjavíkur setti nýtt glæsilegt Íslandsmet í 50 metra Þrístöðu riffli í dag en hann skoraði 1,107 stig í 3x40 skotum. Í öðru sæti varð Theódór Kjartansson úr Skotdeild Keflavíkur með 1,007 stig og í þriðja sæti Valur Richter úr Skotíþróttafélagi Ísafjarðar með 896 stig. Í kvennaflokki þar sem skotin eru 3x20 skot varð Jórunn Harðardóttir úr Skotfélagi Reykjavíkur Íslandsmeistari með 522 stig, önnur varð Íris Eva Einarsdóttir úr Skotfélagi Reykjavíkur með 507 stig og í þriðja sæti varð Bára Einarsdóttir úr Skotíþróttafélagi Kópavogs með 497 stig. Í liðakeppni karla mætti aðeins ein sveit til leiks, sveit Skotíþróttafélags Ísafjarðar en hana skipuðu Valur Richter, Leifur Bremnes og Ívar Valsson en skorið var 2,644 stig. ÂÂ Í liðakeppni kvenna sigraði sveit Skotfélags Reykjavíkur á nýju Íslandsmeti, 1320 stig. Sveitina skipuðu Jórunn Harðardóttir, Íris Eva Einarsdóttir og Dagný H. Hinriksdóttir. Í öðru sæti var sveit Skotíþróttafélags Kópavogs skipuð Báru Einarsdóttur, Margréti L. Alfreðsdóttur og Guðrúnu Hafberg. Á Íslandsmeistaramótum er jafnframt keppt um Íslansmeistaratitil í flokkum og urðu þessir meistarar: Guðmundur H.Christensen í Meistaraflokki,Theódór Kjartansson í 3.flokki og Valur Richter í 0.flokki. Í kvennaflokki: Jórunn Harðardóttir í 2.flokki, Íris Eva Einarsdóttir í 3.flokki og Guðrún Hafberg í 0.flokki.

Jón Þór Sigurðsson, Skotíþróttafélagi Kópavogs, setti glæsilegt nýtt Íslandsmet í 50m liggjandi riffli þegar hann skoraði 623,7 stig á Íslandsmeistaramótinu í 50m liggjandi riffli sem fram fór í Íþróttahúsinu Digranesi laugardaginn 30. apríl. Þessi árangur Jóns Þórs dugði honum að sjálfsögðu til Íslandsmeistaratitils í karlaflokki en Guðmundur Helgi Christensen, Skotfélagi Reykjavíkur, varð annar með 615,5 stig. Guðmundur Helgi varð jafnframt Bikarmeistari keppnistímabilsins.

Þriðja sætið kom svo í hlut Vals Richters sem keppti fyrir Skotíþróttafélag Ísafjarðarbæjar en Valur skoraði 611 stig.
Í kvennaflokki varð Bára Einarsdóttir, Skotíþróttafélagi Kópavogs, (SFK) Íslandsmeistari en stig Báru voru 608,2 stig. Jórunn Harðardóttir, SR, varð önnur á 599 stigur og Íris Eva Einarsdóttir, einnig úr SR, varð þriðja með 568,3 stig. Í liðakeppni karla sigraði A sveit SFK með 1817,7 stig en sveitina skipuðu Stefán Eggert Jónsson og Arnfinnur Auðunn Jónsson auk Jóns Þórs. A sveit SÍ varð í öðru sæti liðakeppninnar með 1796,3 stig en sveit Ísfirðinganna skipuðu Valur Richter, Guðmundur Valdimarsson og Ívar Már Valsson.  A sveit SR varð þriðja skipuð þeim Guðmundi Helga, Þorsteini B. Bjarnarsyni og Þóri Kristinssyni. Skor þeirra var 1791 stig. Ein sveit mætti til leiks í liðakeppni kvenna, A sveit Skotíþróttafélags Kópavogs, skipuð Báru Einarsdóttur, Guðrúnu Hafberg og Margréti Lindu Alfreðsdóttur. Samanlagt skor þeirra var 1714,7 stig Á Íslandsmeistaramótinu var keppt í flokkum og varð Jón Þór Íslandsmeistari í Meistaraflokki. Valur Richter, SÍ, varð Íslandsmeistari í 1. flokki. Þórir Kristinsson, SR, varð Íslandsmeistari í 2. flokki og Bjarni Sigurðsson, Skotdeild Keflavíkur, varð Íslandsmeistari í 3. flokki. Í Meistaraflokki kvenna varð Bára Einarsdóttir Íslandsmeistari. Íris Eva varð Íslandsmeistari í 3. flokki og Guðrún Hafberg í 0 flokki.  _Ljósm.JAK