SR OPEN mótið verður skotið á einum degi ! Mótsstjórn hefur ákveðið að mótið verði haldið á einum degi, laugardeginum, m.a.vegna slæmrar veðurspár, en skipt verður í A og B úrslit eftir 75 dúfur. Vegleg verðlaun verða veitt í lok móts en styrktaraðilar mótsins eru Ísnes, Hlað, Vesturröst og ÓJK að öðrum ólöstuðum. Einnig verður dreginn út Tikka T1x cal.22 riffill til eins heppins þátttakanda sem verður á staðnum við mótsslit. Matarveislan verður síðan um kl.18:30

Riðlaskiptingin um helgina er komin hérna.

Hið árlega SR OPEN (Reykjavik Open) í haglabyssugreininni SKEET verður haldið á Álfsnesi 5.-6.september n.k. Keppt er í opnum flokki, þ.e.karlar, konur og unglingar keppa í sama flokki. Seinni daginn er keppendum skipt í A og B flokk. Keppt verður í final í báðum flokkum. Vegleg verðlaun verða veitt og m.a. dreginn út einn heppinn keppandi sem hlýtur byssu að launum. Dregið verður úr nöfnum keppenda sem eru á staðnum við mótsslit á sunnudeginum. Skráning á mótið er eftir hefðbundnum leiðum hjá hverju félagi og sendist til Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. og Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. fyrir miðnætti á sunnudaginn.

Nýtt: Keppendum verður boðið uppá matarveislu að loknum síðasta hring á laugardeginum um 16:30-17:00 og verðum við með meistarakokk á staðnum sem matreiðir úrvalskjöt að hætti hússins. Passað verður uppá 2ja metra regluna og passað uppá að öllum reglum sé fylgt. 

Íslandsmeistaramótið í haglabyssugreininni Skeet fór fram á velli Skotíþróttafélags Hafnarfjarðar um helgina. Í kvennaflokki varð Dagný H. Hinriksdóttir úr Skotfélagi Reykjavíkur Íslandsmeistari (90/36), önnur varð María R. Arnfinnsdóttir úr Skotíþróttafélagi Hafnarfjarðar (78/31) og í þriðja sæti Snjólaug M. Jónsdóttir úr Markviss á Blönduósi (85/27).

Í unglingaflokki varð Daníel L. Heiðarsson úr Skotfélagi Akureyrar Íslandsmeistari (102) og Felix Jónsson úr Skotfélagi Reykjavíkur varð annar (59).

Í karlaflokki varð Íslandsmeistari Pétur T. Gunnarsson úr Skotfélagi Reykjavíkur (112/51), annar varð Stefán G. Örlygsson úr Skotfélagi Akraness (110/51) og í þriðja sæti Hákon Þ. Svavarsson úr Skotíþróttafélagi Suðurlands (121/42) en hann jafnaði Íslandsmetið í undankeppninni með 121 stig.

Í liðakeppni karla varð sveit Skotíþróttafélags Suðurlands Íslandsmeistari (334) en sveitina skipa Hákon Þ. Svavarsson, Jakob Þ. Leifsson og Aðalsteinn Svavarsson. Önnur varð sveit Skotfélags Reykjavíkur (323) með Pétur T. Gunnarsson, Sigurð U. Hauksson og Daníel H. Stefánsson innanborðs. Sveit Skotfélags Akureyrar (292) hlaut bronsið en þá sveit skipa Sigurður Á. Sigurðsson, G.Bragi Magnússon og Daníel L. Heiðarsson. 

Í ljósi hertra reglna Landlæknis vegna COVID-19 hefur STÍ ákveðið að aflýsa Íslandsmóti í 300 metra riffli sem halda átti hjá Skotdeild Keflavíkur 8.ágúst og eins Landsmóti í Skeet sem átti að vera á velli Skotíþróttafélags Suðurlands 8.-9.ágúst.