Landsmót STÍ í haglabyssugreininni Skeet fór fram á svæði Skotfélags Reykjavíkur á Álfsnesi um helgina. Stefán Gísli Örlygsson úr Skotfélagi Akraness sigraði með 53 stig(110), Pétur T. Gunnarsson úr Skotfélagi Reykjavíkur varð annar með 47 stig(108) og Guðlaugur Bragi Magnússon úr Skotfélagi Akureyrar varð þriðji með 41 stig(107). Í kvennaflokki hlaut Rósa Björg Hema úr Skotfélagi Akureyrar gullið með 67 stig.

Hérna kemur riðlaskiptingin og keppendalistinn fyrir helgina á Landsmóti STÍ í Ólympísku keppnisgreininni í haglabyssu SKEET. Keppnisæfing er kl. 18 til 20 á föstudaginn. Keppni hefst svo kl. 10 bæði laugardag og sunnudag.

Vegna slæmrar veðurspár fyrir laugardaginn verður skotsvæði okkar á Álfsnesi LOKAÐ þann daginn en í staðinn verður opið á SUNNUDAGINN !!

Um helgina hélt Skotdeild Keflavíkur Landsmót í haglabyssugreininni SKEET. 20 keppendur mættu til leiks. Helga Jóhannsdóttir úr Skotíþróttafélagi Suðurlands bæti eigið Íslandsmet og endaði með 103 stig í kvennaflokki. Í úrslitum hafði þó Dagný Huld Hinriksdóttir úr Skotfélagi Reykjavíkur betur og landaði gullinu. Helga varð önnur og María Rós Arnfinnsdóttir þriðja. Daníel Logi Heiðarsson úr Skotfélagi Akureyrar var eini keppandinn í unglingaflokki, halut því gullið og endaði með 100 stig. Í karlaflokki sigraði Hákon Þ. Svavarsson úr Skotíþróttafélagi Suðurlands ne hann var með 117 stig fyrir úrslit en þar hafði hann betur gegn Pétri T. Gunnarssyni úr Skotfélagi Reykjavíkur sem var með 111 stig í undankeppninni. Í úrslitunum var Hákon með 52 stig en Pétur 51 stig. Bronsið hlaut Aðalsteinn Svavarsson úr Skotíþrottafélagi Suðurlands. Í liðakeppninni sigraði sveit Skotíþróttafélags Hafnarfjarðar með 281 stig, í öðru sæti Skotfélag Akraness með 274 stig og Skotdeld Keflavíkur hlaut bronsið.

Landsmót STÍ í haglabyssugreininni Skeet fór fram um helgina á svæði Skotfélags Akureyrar. Í kvennaflokki sigraði Dagný H. Hinriksdóttir úr SR, Guðrún Hjaltalín úr SKA varð önnur og Helga Jóhannsdóttir úr SFS þriðja. Í karlaflokki sigraði Jakob Þ. Leifsson úr SFS, Hákon Þ. Svavarsson úr SFS varð annar og Pétur T. Gunnarsson úr SR varð þriðji.  Daníel L. Heiðarsson hlaut gullið í unglingaflokki. Í liðakeppninni vann sveit SFS gullið og sveit SA silfrið.