STÍ og ISSF hafa náð samkomulagi um að halda hér á landi námskeið fyrir skammbyssu-og riffilþjálfara. Þetta námskeið er s.k. "D-course for Regional Coaches" Námskeiðið verður haldið í Íþróttamiðstöðinni í Laugardal. Kennarar verða Zeljko Toodorovic og Goran Maksimovic frá Alþjóðaskotsambandinu ISSF. Reiknað er með að námskeiðsgjald verði kr. 35,000 á þátttakanda og inninfalin eru kennslugögn ásamt hádegismat og kaffiveitingum. Þátttakendur þurfa að senda skráningu á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. fyrir 24.október n.k. með nafni og kennitölu.

Riðlaskipting landsmótsins í loftskammbyssu og loftriffli sem haldið verður í Digranesi í Kópavogi á laugardaginn er komin hérna http://skotkop.is/frett.php?id=25

Um helgina fór Ásgeir Sigurgeirsson skotmaður í sína fyrstu keppnisferð þessa keppnistímabils tíl Þýskalands til að keppa með liðinu sínu TSV Ötlingen í Þýsku Bundesligunni.
Hann er í fanta formi, vann báðar viðureignir sínar, og liðið hans TSV Ötlingen gerði slíkt hið sama.
Fyrri viðureignin var í gær og sú seinni var að ljúka rétt í þessu.

Það eru allir hjartanlega velkomnir á skotsvæðin hjá Skotfélagi Reykjavíkur. Skotfélag Reykjavíkur er með starfsemi á Álfsnesi, undir Esjuhlíðum, og í Egilshöllinni í Grafarvogi.

Í dag (laugardaginn 1. október) var mikið um að vera á haglabyssuvöllunum hjá okkur en það er greinilegt að þeir sem hyggja á rjúpnaveiðar eru byrjaðir að hita sig upp fyrir komandi rjúpnavertíð

Til gamans má geta þess að rjúpnaveiðitímabilið í ár er 12 dagar sem skiptast á fjórar helgar, þ.e. síðustu helgina í október og fyrstu þrjár í nóvember:
Föstudaginn 28. október til sunnudags 30. október. 3 dagar.
Föstudaginn 4. nóvember til sunnudags 6. nóvember. 3 dagar.
Föstudaginn 11. nóvember til sunnudags 13. nóvember. 3 dagar.
Föstudaginn 18. nóvember til sunnudags 20. nóvember. 3 dagar.

Sjá nánar á http://ust.is/einstaklingar/veidi/veiditimabil/

Það verður opið hjá okkur á Álfsnesi í sérstakri rjúpnaopnun dagana fyrir fyrstu helgina sem rjúpnaveiðar eru leyfilegar Hvetjum sem flesta til að koma að æfa sig

Sjá nánar http://sr.is/opnunartimar

Góða skemmtun...

Þessir yndislegu feðgar voru að æfa sig í dag í góðu veðri á Álfsnesi

Það eru allir velkomnir til okkar.

Á Bikarmeistaramóti STÍ í dag varð Örn Valdimarsson úr Skotfélagi Reykjavíkur bikarmeistari í karlaflokki. Samhliða var keppt um Reykjavíkurmeistaratitla í karla og kvennaflokki. Meistarar urðu Dagný H. Hinriksdóttir og Örn Valdimarsson. Á Opna Reykjavíkurmótinu sigraði Hákon Þ. Svavarsson úr Skotíþróttafélagi Suðurlands í A-úrslitum og í B-úrslitum sigraði Kjartan Ö. Kjartansson úr Skotfélagi Reykjavíkur. Mótið styrktu nokkrir velunnarar félagsins með gjöfum sem notaðar voru til verðlauna. Þau voru Vesturröst, Hlað, ÓJK, Aggi byssusmiður, Tækniskólinn, Ísnes og Prentlausnir. Að loknu móti sá Matthías Þórarinsson um vegleg veisluhöld.