Skotfélag Reykjavíkur

Laugardagur, 02. apríl 2016 15:57

Íslandsmótinu í loftbyssugreinunum var að ljúka. Íslandsmeistarar urðu sem hér segir: Loftskammbyssa karla Ásgeir Sigurgeirsson úr Skotfélagi Reykjavíkur,í kvennaflokki Jórunn Harðardóttir úr Skotfélagi Reykjavíkur, í unglingaflokki Dagný Rut Sævarsdóttir úr Skotíþróttafélagi Kópavogs. Í Loftriffli karla Guðmundur Helgi Christensen úr Skotfélagi Reykjavíkur, í kvennaflokki Íris Eva Einarsdóttir úr Skotfélagi Reykjavíkur, í unglingaflokki kvenna Sigríður E. Gísladóttir úr Skotdeild KeflavíkurÂÂÂ á nýju Íslandsmeti og í unglingaflokki karla Richard B. Busching úr Skotdeild Keflavíkur. í liðakeppninni varð Skotíþróttafélag Kópavogs Íslandsmeistari í loftriffli karla, loftskammbyssu karla og kvenna en Skotfélag Reykjavíkur í loftriffli kvenna. Finna má eitthvað af myndum hérna.

Metþátttaka á Íslandsmót í Loftbyssu

Miðvikudagur, 30. mars 2016 12:51
Metþátttaka verður á Íslandsmótinu í loftskammbyssu og loftriffli sem haldið verður í Egilshöllinni á laugardaginn kemur. 30 skráningar bárust í loftskammbyssu og 17 í loftriffli. Keppt verður í 3 riðlum og hefst keppnin í 1.riðli kl.09:00, kl. 11:00 í öðrum og kl.13:00 í þeim þriðja. Keppnisæfing er kl.18-20 á föstudaginn.

Kjartan Örn sigraði á Páskamóti SR

Laugardagur, 26. mars 2016 18:33
Kjartan Örn Kjartansson sigraði á Páskamóti SR í dag með 63 stig, annar varð Ævar S. Sveinsson með 59 stig og í þriðja sæti varð Guðmundur Pálsson með 58 stig. Keppt var eftir forgjafarkerfi félagsins.

Páskamótið á laugardaginn

Miðvikudagur, 23. mars 2016 10:20
Páskamót Skotfélags Reykjavíkur í SKEET fer fram á Álfsnesi laugardaginn 26.mars og hefst kl.12:00, mæting kl.11:30. Skráning á staðnum. Mótagjald kr. 2,000. Skotnir verða 3 hringir og keppt eftir forgjafarkerfinu. Mótið er opið keppendum úr öðrum félögum og eru þeir velkomnir.

Landsmót í 50m riffli í dag í Digranesi

Sunnudagur, 20. mars 2016 21:29

Landsmót Skotíþróttasambands Íslands í 50m liggjandi riffli fór fram í Íþróttahúsinu Digranesi í gær, sunnudaginn 20. mars. Í kvennaflokki bar Jórunn Harðardóttir, Skotfélagi Reykjavíkur, sigur úr býtun með 612,3 stig en Bára Einarsdóttir Skotíþróttafélagi Kópavogs varð önnur á 607,9 stigum. Margrét Linda Alfreðsdóttir, SFK, varð þriðja með 568,4 stig. Eitt kvennalið mætti til leiks, A sveit Skotíþróttafélags Kópavogs, skipað þeim Báru, Margréti Lindu og Guðrúnu Hafberg en þær stöllur bættu Íslandsmet sitt í greininni. Skor þeirra var 1718.4 stig. Í karlaflokki sigraði Guðmundur Helgi Christensen, SR, með 616.2 stig. Jón Þór Sigurðsson SFK, varð annar á 609,7 stigum og Stefán Eggert Jónsson varð þriðji með 605,7 stig. Í liðakeppni karlaflokksins sigraði A lið SFK með 1805,1 stigum. Sveit SFK skipuðu þeir Jón Þór, Stefán Eggert og Ólafur Sigvaldason. A sveit Skotíþróttafélags Ísafjarðarbæjar varð önnur með 1800,9 stig. Sveit ísfirðinganna skipuðu Guðmundur Valdimarsson, Valur Richter og Ívar Már Valsson.

Örn í 26.sæti eftir fyrri daginn á Kýpur

Laugardagur, 19. mars 2016 17:49

Heimsbikarmótið í Larnaca á Kýpur hófst í dag. Keppt er í öllum haglabyssugreinum en Ísland er með tvo keppendur í skeet. Örn Valdimarsson er í 26.sæti eftir fyrri daginn með 69 stig (22-23-24) og Hákon Þ.Svavarsson er í 54.sæti með 66 stig (25-19-22) Hægt verður að fylgjast með seinni hlutanum á morgun á síðu keppninnar hérna.

UPPFÆRT 20.MARS: Örn endaði með 110 stig (22-23-24-21-20) og hafnaði í 56.sæti og Hákon var með 109 stig (25-19-22-20-23) og lauk keppni í 62.sæti. Keppendur voru 91 að þessu sinni.