Skotfélag Reykjavíkur

Laugardagur, 10. desember 2016 21:40

Á landsmóti STÍ sem haldið var í Egilshöllinni í dag féll eitt Íslandsmet en sveit Skotíþróttafélags Kópavogs í kvennaflokki bætti eigið met um heil 40 stig og endaði með 1.762,5 stig. Sveitina skipuðu Bára Einarsdóttir, Margrét L. Alfreðsdóttir og Guðrún Hafberg. Í karlaflokki sigraði Stefán E. Jónsson úr SFK með 612,5 stig, í öðru sæti varð Guðmundur Helgi Christensen úr SR með 611,3 stig og með sama stigafjölda en færri X-tíur varð Jón Þór Sigurðsson úr SFK. Í kvennaflokki sigraði Bára Einarsdóttir með 615,9 stig, önnur varð Margrét L.Alfreðsdóttir með 581,7 stig og í 3ja sæti hafnaði Guðrún Hafberg með 564,9 stig. Í liðakeppni karla sigraði sveit Skotfélags Reykjavíkur með 1.803,1 stig (Guðmundur H.Christensen, Þorsteinn B.Bjarnarson og Þórir Kristinsson), í öðru sæti varð sveit Skotíþróttafélags Ísafjarðar með 1.794,5 stig (Ívar M.Valsson, Valur Richter og Guðmundur Valdimarsson) en í þriðja sæti hafnaði sveit Skotdeildar Keflavíkur með 1.786,2 stig (Theodór Kjartansson,Dúi Sigurðsson og Bjarni Sigurðsson). _{Myndir: JAK}

Landsmót um helgina í Egilshöll

Fimmtudagur, 08. desember 2016 11:44
Landsmót í riffilgreinum fara fram í Egilshöllinni um helgina. Á laugardaginn er keppt í 50 metra liggjandi riffli og á sunnudaginn í 50 metra Þrístöðu riffli.

Ásgeir vann báðar viðureignir sína í Þýskalandi

Mánudagur, 28. nóvember 2016 07:32

Ásgeir Sigurgeirsson keppti á laugardaginn með liði sínu TSV Ötlingen í Þýsku Bundesligunni. Hann sigraði enn og aftur, í þetta skiptið Tyrkneska landsliðsmanninn Ustaoglu, Abdullah. Þeir voru jafnir að stigum í lok keppninnar kom því tilbráðabana til að skera úr um hvor þeirra færi með sigur. Ásgeir gerði sér lítið fyrir og vann ! Ásgeir var því miður sá eini í TSV Ötlingen sem vann sína viðureign og var niðurstaðan 1-4 sigur Sgi Waldenburg. Á sunnudeginum lauk hann sjöundu keppninni í Bundesliegunni með liði sínu TSV Ötlingen með sigri á Michael Schwald, Þýskum landsliðsmanni og Evrópumeistara unglinga 2012 í FP. Hann hefur hingað til keppt sem fyrsti keppandi fyrir lið sitt í öllum keppnum á yfirstandandi tímabili og unnið þær allar !

Landsmót á Borgarnesi

Sunnudagur, 13. nóvember 2016 10:32
Landsmót STÍ í Loftskammbyssu og Loftriffli fór fram í húsnæði Skotfélags Vesturlands á Borgarnesi í dag, laugardaginn 12.nóvember. Í Loftriffli kvenna sigraði Íris Eva Einarsdóttir úr SR, í loftriffli karla sigraði Guðmundur Helgi Christensen úr SR, í loftskammbyssu karla sigraði Thomas Viderö úr SFK og í loftskammbyssu kvenna sigraði Jórunn Harðardóttir úr SR.

Karl sigraði í dag

Laugardagur, 05. nóvember 2016 17:37

Á landsmóti STÍ í Staðlaðri skammbyssu sem haldið var í Egilshöllinni í dag sigraði Karl Kristinsson úr Skotfélagi Reykjavíkur með 511 stig. Í öðru sæti varð Guðmundur T. Ólafsson úr Skotfélagi Kópavogs með 499 stig og 6-x-tíur og Kolbeinn Björgvinsson úr Skotfélagi Reykjavíkur varð þriðji einnig með 489 stig en 3-x-tíur. Fjórði varð Ólafur Gíslason úr Skotfélagi Reykjavíkur á sama skori, 489 stig en 2-x-tíur.

Íslandsmet hjá Guðmundi Helga á Ísafirði

Sunnudagur, 23. október 2016 21:07

Guðmundur Helgi Christensen úr Skotfélagi Reykjavíkur setti nýtt Íslandsmet á landsmóti STÍ í 50 metra þrístöðuriffli með 1,113 stig. Annar varð Theódór Kjartansson úr Skotdeild Keflavíkur með 1,029 stig og í þriðja sæti hafnaði Þorsteinn B. Bjarnarson úr Skotfélagi Reykjavíkur með 972 stig. Í kvennaflokki var aðeins einn keppandi, Jórunn Harðardóttir úr Skotfélagi Reykjavíkur með 522 stig. Í karlaflokki skjóta menn 40 skotum í hnjéstöðu, 40 skotum liggjandi og 40 skotum standandi eða alls 120 skotum. Í kvennaflokki er skotið helmingi færri skotum.