Íslandsmótið í Staðlaðri skammbyssu fer fram í Egilshöllinni á laugardaginn kemur. Alls eru skráðir til leiks 17 keppendur. Mótið hefst kl. 10:00. Keppt er með cal.22lr skammbyssum og skotið á 25 metra færi, 4x5 skotum á 150 sek, 4x5 skotum á 20 sek og 4x5 skotum á 10 sekúndum eða alls 60 skotum.

Ásgeir Sigurgeirsson var rétt í þessu að tryggja sér sæti í úrslitum á Evrópumeistaramótinu í Maribor í Slóveníu. Hann átti mjög góðan endasprett en hann endaði á 578 stigum (93 98 99 95 94 99) og 18x-tíur ! Úrslitin hefjast kl.10:00 og verða send út í lifandi mynd hérna: http://esc-shooting.org/livemaribor2017/

UPPFÆRT: Ásgeir hafnaði í 7.sæti af 68 keppendum að þessu sinni. Hann er í hörkuformi og er vonandi tilbúinn í átök næstu missera við að tryggja sér þátttökurétt á næstu Ólympíuleikum sem haldnir verða í Japan 2020. Hægt er að sjá nánari úrslit hérna.

Evrópumeistaramótið í loftbyssugreinunum stendur nú yfir í Maribor í Slóveníu. Við eigum þar tvo keppendur, Ásgeir Sigurgeirsson, sem keppir í loftskammbyssu föstudaginn 10.mars kl.08:00 og Jórunni Harðardóttur sem keppir á laugardaginn 11.mars kl. 08:30.

Á Reykjavíkurleikunum í Egilshöllinni í dag setti Viktoría Erla Þ.Bjarnarson nýtt Íslandsmet í Unglingaflokki í Loftriffli, 331,2 stig. Annars endaði keppnin í loftriffli kvenna þannig að Jórunn Harðardóttir úr SR sigraði með 399,2 stig, Viktoría varð önnur og Þórey Inga Helgadóttir varð þriðja með 295,9 stig. Í karlaflokki sigraði Guðmundur Helgi Christensen úr SR með 593,0 stig, Theódór Kjartansson úr SK varð annar með 564,8 stig og í þriðja sæti varð Róbert Vincent Ryan úr SR með 550,5 stig. Í loftskammbyssu karla sigraði Ásgeir Sigurgeirsson úr SR með 576 stig, annar varð Thomas Viderö úr SFK 559 stig og í þriðja sæti Jórunn Harðardóttir úr SR með 552 stig. Við verðlaunaafhendinguna tilkynnti mótsstjórn um val á skotkonu og skotkarli mótsins sem voru þau Ásgeir Sigurgeirsson og Viktoría Erla Þ. Bjarnarson. Þess má geta að Viktoría er aðeins 15 ára gömul. Nokkrar myndir frá mótinu eru hérna.

Þá er keppendalistinn fyrir Reykjavíkurleikana á laugardaginn tilbúinn. Keppni hefst kl. 09:00 í Loftriffli og síðan kl.11:00 í Loftskammbyssu. Keppt er í karla og kvennaflokki í loftriffli en í opnum flokki í loftskammbyssu.