Á landsmóti Skotíþróttasambands Íslands sem haldið var laugardaginn 23.júlí á Akranesi, bætti Helga Jóhannsdóttir úr SÍH Íslandsmet kvenna í haglabyssugreininni Skeet. Fyrra metið var 55 stig en Helga náði núna 57 stigum. Í öðru sæti varð Dagný H. Hinriksdóttir úr Skotfélagi Reykjavíkur og í þriðja Guðrún H. Guðjónsdóttir úr Skotfélagi Akraness. Í karlaflokki sigraði Hákon Þ. Svavarsson úr Skotíþróttafélagi Suðurlands með 113-12-11 stig eftir bráðabana í úrslitum við Stefán G. Örlygsson úr Skotfélagi Akraness sem endaði með 111-14-11. Í þriðja sæti varð Örn Valdimarsson úr Skotfélagi Reykjavíkur með 112-11-15 stig. Liðakeppnina sigraði sveit Skotfélags Reykjavíkur með 315 stig (Örn Valdimarsson, Kjartan Ö. Kjartansson, Guðmundur Pálsson), sveit Skotíþróttafélags Hafnarfjarðar varð önnur með 298 stig (Jakob Þór Leifsson, Marinó Eggertsson, Aðalsteinn Svavarsson) og í þriðja sæti sveit Skotfélags Akraness með 249 stig (Stefán G. Örlygsson, Ólafur S. Ólafsson, Björn G.Hilmarsson). Fleiri myndir má finna hérna.

Örn Valdimarsson og Sigurður Unnar Hauksson kepptu á Copenhagen Grand Prix mótinu um helgina. Örn endaði í 16.sæti í Elite -flokknum með 108 stig (21 24 21 21 21) en Sigurður komst í úrtslit í A-flokknum og endaði þar í 5.sæti með 110 stig en hann var efstur fyrir úrslitin.

Evrópumeistaramótinu í haglabyssugreinunum sem haldið var í Lonato á Ítalíu liðna viku lauk í dag. Íslands átti þrjá keppendur í Skeet. Sigurður Unnar Hauksson varð í 44.sæti með 114 stig (21 22 23 23 25), Örn Valdimarsson í 55.sæti með 111 stig (25 20 22 24 20) og Hákon Þ. Svavarsson í 57.sæti með 110 stig (22 23 22 20 23). Í keppninni jöfnuðu tveir keppendur heimsmetið 125 af 125 stigum og eins bætti ítalska sveitin heimsmetið í liðakeppni með 371 stig. Nánari úrslit má sjá hérna.

Landsmót Stí var haldið í Þorlákshöfn um helgina. Í karlaflokki vann Örn Valdimarsson SR 114/125 +12 +13 eftir bráðabana við Sigurð Unnar Hauksson SR sem varð annar á 114/125+ 12+13 og þriðji varð Hákon Þ Svavarsson SFS á 117/125 9+ 13.
Í kvennaflokki sigraði Snjólaug M Jónsdóttir úr Markviss á 52 /75. Helga Jóhannsdóttir SÍH varð önnur á 47/75 eftir bráðabana við Dagnýju frá SR, Dagný Hinriksdóttir SR þriðja á 47/75
Marinó Eggertsson SÍH sigraði unglingaflokk á sínu besta skori til þessa á 94/125

Ásgeiri Sigurgeirssyni var boðið að taka þátt í æfingabúðum í Frakklandi sem eru sérstaklega ætlaðar þeim skotmönnum sem þegar hafa tryggt sér kvótapláss á Ólympíleikana í Ríó í sumar. Þó hann hafi ekki enn fengið sæti á þeim og alls ekki öruggt að hann nái þangað þá var honum boðið að vera með í hópi þeirra bestu. Æft er alla daga og jafnframt keppt daglega. Hægt er að fylgjast með skorinu á úrslitasíðu SIUS hérna.