Ásgeir Sigurgeirsson var rétt í þessu að ljúka keppni á heimsbikarmótinu í Ríó í Brasilíu. Hann endaði í 21.sæti með 576 stig (94 97 95 96 96 98) og vantaði aðeins fjögur stig til að komast í úrslit. Keppendur voru 68. Hann keppir svo í frjálsri skammbyssu á mánudaginn.

Íslandsmótinu í Staðlaðri skammbyssu sem haldið var í Egilshöllinni í dag er nú lokið. Íslandsmeistari varð Ívar Ragnarsson úr Skotíþróttafélagi Kópavogs með 527 stig, annar varð Grétar M. Axelsson úr Skotfélagi Akureyrar með 526 stig og í þriðja sæti Karl Kristinsson úr Skotfélagi Reykjavíkur með 521 stig. Í liðakeppninni sigraði sveit Skotíþróttafélags Kópavogs með 1,501 stig en hana skipuðu auk Ívars þeir Guðmundur T. Ólafsson og Ólafur Egilsson, önnur varð A-sveit Skotfélags Reykjavíkur með 1,461 stig sem skipuð var ásamt Karli þeim Kolbeini Björgvinssyni og Jóni Á. Þórissyni og í þriðja sæti sveit Skotfélags Akureyrar sem skipuð var Grétari ásamt Þorbjörgu Ólafsdóttur og Þórði Ívarssyni. Að venju var keppt í flokkum þar sem krýndur var Íslandsmeistari hvers styrkleikaflokks. Í 1.flokki varð Grétar M.Axelsson úr SA Íslandsmeistari, í 3.flokki varð Ólafur Gíslason úr SR Íslandsmeistari og í 0.flokki varð Íslandsmeistari Ívar Ragnarsson en hann var að keppa á sínu fyrsta landsmóti í þessari grein og hélt heimleiðis með þrjá titla í farteskinu.

Íslandsmótið í Staðlaðri skammbyssu fer fram í Egilshöllinni á laugardaginn og hefst kl.09:00. Keppnisæfing verður á föstudaginn kl.19-21.

Íslandsmótið i Sportskammbyssu var haldið í Egilshöllinni í dag. 17 keppendur mættu til leiks og fóru leikar þannig að Grétar M. Axelsson úr Skotfélagi Akureyrar varð Íslandsmeistari með 551 stig. Í öðru sæti varð Friðrik Goethe úr Skotíþróttafélagi Kópavogs með 539 stig og í þriðja sæti Karl Kristinsson úr Skotfélagi Reykjavíkur með 532 stig. A-sveit Skotíþróttafélags Kópavogs sigraði í liðakeppninni með 1,569 stig. Sveitina skipuðu Friðrik Goethe, Eiríkur Ó. Jónsson og Ólafur Egilsson. A-sveit Skotfélags Reykjavíkur varð önnur með 1,539 stig með innanborðs Karl Kristinsson, Jón Á. Þórisson og Kolbeinn Björgvinsson. Þriðja varð sveit Skotfélags Akureyrar skipuð Grétari M. Axelssyni, Þórði Ívarssyni og Þorbjörgu Ólafsdóttur með 1,533 stig. _Ljósm:JAK

Íslandsmótið í Sportskammbyssu fer fram í Egilshöllinni á sunnudaginn. Skráðir eru 19 keppendur. Mótið hefst kl.10.