Skotfélag Reykjavíkur

Ásgeir vann báðar viðureignir sína í Þýskalandi

Mánudagur, 28. nóvember 2016 07:32

Ásgeir Sigurgeirsson keppti á laugardaginn með liði sínu TSV Ötlingen í Þýsku Bundesligunni. Hann sigraði enn og aftur, í þetta skiptið Tyrkneska landsliðsmanninn Ustaoglu, Abdullah. Þeir voru jafnir að stigum í lok keppninnar kom því tilbráðabana til að skera úr um hvor þeirra færi með sigur. Ásgeir gerði sér lítið fyrir og vann ! Ásgeir var því miður sá eini í TSV Ötlingen sem vann sína viðureign og var niðurstaðan 1-4 sigur Sgi Waldenburg. Á sunnudeginum lauk hann sjöundu keppninni í Bundesliegunni með liði sínu TSV Ötlingen með sigri á Michael Schwald, Þýskum landsliðsmanni og Evrópumeistara unglinga 2012 í FP. Hann hefur hingað til keppt sem fyrsti keppandi fyrir lið sitt í öllum keppnum á yfirstandandi tímabili og unnið þær allar !

Landsmót á Borgarnesi

Sunnudagur, 13. nóvember 2016 10:32
Landsmót STÍ í Loftskammbyssu og Loftriffli fór fram í húsnæði Skotfélags Vesturlands á Borgarnesi í dag, laugardaginn 12.nóvember. Í Loftriffli kvenna sigraði Íris Eva Einarsdóttir úr SR, í loftriffli karla sigraði Guðmundur Helgi Christensen úr SR, í loftskammbyssu karla sigraði Thomas Viderö úr SFK og í loftskammbyssu kvenna sigraði Jórunn Harðardóttir úr SR.

Karl sigraði í dag

Laugardagur, 05. nóvember 2016 17:37

Á landsmóti STÍ í Staðlaðri skammbyssu sem haldið var í Egilshöllinni í dag sigraði Karl Kristinsson úr Skotfélagi Reykjavíkur með 511 stig. Í öðru sæti varð Guðmundur T. Ólafsson úr Skotfélagi Kópavogs með 499 stig og 6-x-tíur og Kolbeinn Björgvinsson úr Skotfélagi Reykjavíkur varð þriðji einnig með 489 stig en 3-x-tíur. Fjórði varð Ólafur Gíslason úr Skotfélagi Reykjavíkur á sama skori, 489 stig en 2-x-tíur.

Íslandsmet hjá Guðmundi Helga á Ísafirði

Sunnudagur, 23. október 2016 21:07

Guðmundur Helgi Christensen úr Skotfélagi Reykjavíkur setti nýtt Íslandsmet á landsmóti STÍ í 50 metra þrístöðuriffli með 1,113 stig. Annar varð Theódór Kjartansson úr Skotdeild Keflavíkur með 1,029 stig og í þriðja sæti hafnaði Þorsteinn B. Bjarnarson úr Skotfélagi Reykjavíkur með 972 stig. Í kvennaflokki var aðeins einn keppandi, Jórunn Harðardóttir úr Skotfélagi Reykjavíkur með 522 stig. Í karlaflokki skjóta menn 40 skotum í hnjéstöðu, 40 skotum liggjandi og 40 skotum standandi eða alls 120 skotum. Í kvennaflokki er skotið helmingi færri skotum.

Ásgeir vann í Þýskalandi

Sunnudagur, 23. október 2016 14:18

Ásgeir Sigurgeirsson skotíþróttamaður var að ljúka keppni hjá liði sínu TSV Ötlingen í Þýskalandi. Þetta er önnur helgin á þessu keppnistímabili sem hann heldur utan til keppni með liði sínu í Bundesligunni.
Ásgeiri gekk fanta vel um helgina. Í gær var skorið frábært 388 stig en mótherinn hans Aadreas Riedener skoraði 377 stig .
Keppti TSV Ötlingen við SV Altheim Waldhausen og vann Ötlingen þá viðureign 3 - 2.

Rétt í þessu var að ljúka viðureign TSV Ötlingen við SSG Dynamit Furth.
Ásgeir vann sína viðureign við Alessio Torracchi með mjög góðu skori 386 stig á móti 377 stigum Alessio.
Ötlingen tapaði viðureigninni 4-1

Landsmót á Ísafirði

Sunnudagur, 23. október 2016 14:05

Á landsmóti STÍ í 50 metra liggjandi riffli, sem haldið var á Ísafirði laugardaginn 22.október sigraði Valur Richter úr Skotíþróttafélagi Ísafjarðar með 614,5 stig, annar var Jón Þór Sigurðsson úr Skotíþróttafélagi Kópavogs með 612,3 stig og í þriðja sæti Stefán Eggert Jónsson úr Skotíþróttafélagi Kópavogs með 608,8 stig. Aðeins einn keppandi mætti í kvennaflokk, Jórunn Harðardóttir úr Skotfélagi Reykjavíkur, og endaði hún með 612,4 stig.