Skotfélag Reykjavíkur

Laugardagur, 01. október 2016 17:54

Það eru allir hjartanlega velkomnir á skotsvæðin hjá Skotfélagi Reykjavíkur. Skotfélag Reykjavíkur er með starfsemi á Álfsnesi, undir Esjuhlíðum, og í Egilshöllinni í Grafarvogi.

Í dag (laugardaginn 1. október) var mikið um að vera á haglabyssuvöllunum hjá okkur en það er greinilegt að þeir sem hyggja á rjúpnaveiðar eru byrjaðir að hita sig upp fyrir komandi rjúpnavertíð

Til gamans má geta þess að rjúpnaveiðitímabilið í ár er 12 dagar sem skiptast á fjórar helgar, þ.e. síðustu helgina í október og fyrstu þrjár í nóvember:
Föstudaginn 28. október til sunnudags 30. október. 3 dagar.
Föstudaginn 4. nóvember til sunnudags 6. nóvember. 3 dagar.
Föstudaginn 11. nóvember til sunnudags 13. nóvember. 3 dagar.
Föstudaginn 18. nóvember til sunnudags 20. nóvember. 3 dagar.

Sjá nánar á http://ust.is/einstaklingar/veidi/veiditimabil/

Það verður opið hjá okkur á Álfsnesi í sérstakri rjúpnaopnun dagana fyrir fyrstu helgina sem rjúpnaveiðar eru leyfilegar Hvetjum sem flesta til að koma að æfa sig

Sjá nánar http://sr.is/opnunartimar

Góða skemmtun...

Þessir yndislegu feðgar voru að æfa sig í dag í góðu veðri á Álfsnesi

Það eru allir velkomnir til okkar.

Örn varð Bikarmeistari í karlaflokki

Sunnudagur, 04. september 2016 21:39

Á Bikarmeistaramóti STÍ í dag varð Örn Valdimarsson úr Skotfélagi Reykjavíkur bikarmeistari í karlaflokki. Samhliða var keppt um Reykjavíkurmeistaratitla í karla og kvennaflokki. Meistarar urðu Dagný H. Hinriksdóttir og Örn Valdimarsson. Á Opna Reykjavíkurmótinu sigraði Hákon Þ. Svavarsson úr Skotíþróttafélagi Suðurlands í A-úrslitum og í B-úrslitum sigraði Kjartan Ö. Kjartansson úr Skotfélagi Reykjavíkur. Mótið styrktu nokkrir velunnarar félagsins með gjöfum sem notaðar voru til verðlauna. Þau voru Vesturröst, Hlað, ÓJK, Aggi byssusmiður, Tækniskólinn, Ísnes og Prentlausnir. Að loknu móti sá Matthías Þórarinsson um vegleg veisluhöld.

Helga Jóhannsdóttir úr SÍH Bikarmeistari STÍ

Laugardagur, 03. september 2016 20:41

Helga Jóhannsdóttir úr Skotíþróttafélagi Hafnarfjarðar varð í dag Bikarmeistari STÍ í Skeet. Keppnin fór fram á velli Skotfélags Reykjavíkur á Álfsnesi. Hún endaði með 46 stig+8+8. Önnur varð Snjólaug M. Jónsdóttir úr MAV með 47 stig+7+7 og í þriðja sæti varð Dagný H. Hinriksdóttir úr SR með 42 stig+6+7. Keppni í karlaflokki heldur áfram á morgun og eins í Reykjavík Open. Staðan þar er þannig að Örn Valdimarsson úr SR leiðir með 68 stig, annar er Hákon Þ. Svavarsson úr SFS meðÂÂÂ 65 stig og í þriðja sæti er Sigurður U. Hauksson úr SR með 63 stig.

Reykjavik Open í haglabyssu um helgina

Föstudagur, 02. september 2016 15:39

Opna Reykjavíkurmótið í Skeet verður haldið á Álfsnesi um helgina. Samhliða er Bikarmeistaramót STÍ haldið. Tímataflan er hér til hliðar.

Lokað er á haglavöllum fyrir almennar æfingar en opið verður á riffilsvæðinu.

Big-Bore mótið fór fram í kvöld

Mánudagur, 15. ágúst 2016 20:09
Hið árlega Big-Bore riffilmót Hlað fór fram í kvöld. Ágæt mæting var og allar 18 brautirnar uppteknar í riffilskýlinu. Sigurvegari varð Arnfinnur A. Jónsson, Eiríkur Björnsson varð annar og í þriðja sæti hafnaði Theodór Kjartansson. Keppt var með rifflum með yfir 8mm hlaupvídd á 100 metra færi, standandi og skaut hver maður 10 skotum.

Sigurður U. Hauksson varð Íslandsmeistari í skeet

Sunnudagur, 14. ágúst 2016 16:34

Sigurður Unnar Hauksson úr Skotfélagi Reykjavíkur varð í dag Íslandsmeistari í karlaflokki í haglabyssugreininni Skeet. Annar varð Örn Valdimarsson úr SR (114+11/12) og í þriðja sæti Hákon Þ.Svavarsson úr SFS (105+13/14). Í unglingaflokki varð Marinó Eggertsson úr SÍH (90) Íslandsmeistari. Í öldungaflokki varð Gunnar Sigurðsson úr SR ( 74) Íslandsmeistari. Íslandsmeistari í liðakeppni varð A-sveit Skotfélags Reykjavíkur með 316 stig (Örn Valdimarsson 114,Sigurður U.Hauksson 114, Kjartan Ö.Kjartansson 88). Í öðru sæti varð A-sveit Skotíþróttafélags Hafnarfjarðar með 286 stig (Hörður Sigurðsson 95, Marinó Eggertsson 90, Jakob Þ.Leifsson 101) og í þriðja sæti B-sveit Skotfélags Reykjavíkur með 253 stig (Guðmundur Pálsson 101, Gunnar Sigurðsson 78, Halldór Helgason 74).