Skotfélag Reykjavíkur

Laugardagur, 04. júní 2016 21:28

Í dag var unnið að undirbúningi Compak Sporting vallarins en hann verður settur upp inní velli 1. Hann mun samanstanda af 6 vélum sem kasta frá mismunandi sjónarhornumÂÂ samkvæmt reglum FITASC. FITASC eru alþjóðasamtök haglabyssuskotgreina sem standa utan Ólympíugreinanna. STÍ, Skotíþróttasamband Íslands, er að ganga frá inngöngu í þau samtök og munum við í framhaldi geta tekið þátt í öllum stórmótum á vegum þeirra samtaka.

Landsmót í skeet á Álfsnesi

Föstudagur, 27. maí 2016 22:57

Landsmót í Skeet fer fram á Álfsnesi á morgun laugardag. Keppnin hefst kl.10:00.

Heimsbikarmótið í München hefst á morgun

Föstudagur, 20. maí 2016 19:37

Heimsbikarmótið í München í Þýskalandi hefst á morgun. Við eigum þar 4 keppendur og er dagskrá þeirra þannig:

ÁSGEIR SIGURGEIRSSON:

Frjáls skammbyssa undankeppni laugardag 21.maí kl.08:45

Frjáls skammbyssa aðalkeppni sunnudag 22.maí kl.08:45

Loftskammbyssa aðalkeppni þriðjudag 24.maí kl.08:45

JÓN ÞÓR SIGURÐSSON:

50m liggjandi riffill undankeppni sunnudag 22.maí kl.11:30

50m liggjandi riffill aðalkeppni mánudag 23.maí kl.08:45

GUÐMUNDUR HELGI CHRISTENSEN:

50m liggjandi riffill undankeppni sunnudag 22.maí kl.11:30

50m liggjandi riffill aðalkeppni mánudag 23.maí kl.08:45

50m Þrístöðu riffill undankeppni þriðjudag 24.maí kl.11:30

50m Þrístöðu riffill aðalkeppni miðvikudag 25.maí kl.08:45

JÓRUNN HARÐARDÓTTIR:

Loftskammbyssa aðalkeppni miðvikudag 25.maí kl.08:45

Hægt verður að fylgjast nánar með þeim á heimasíðu keppninnar.

Landsmótinu í skeet lokið í Þorlákshöfn

Sunnudagur, 08. maí 2016 21:38

Landsmót STÍ í haglabyssugreininni Skeet fer fram á skotvöllum Skotíþróttafélags Suðurlands við Þorlákshöfn um helgina. Hákon Þ. Svavarsson úr Skotíþróttafélagi Suðrulands sigraði með 117 stig (24 23 23 22 25), í öðru sæti varð Örn Valdimarsson úr Skotfélagi Reykjavíkur með 114 stig (21 22 25 25 21) og í þriðja sæti varð Guðmundur Pálsson úr Skotfélagi Reykjavíkur með 109 stig (21 19 23 24 22).Â Í liðakeppninni sigraði A-sveit Skotfélags Reykjavíkur með Örn Valdimarsson, Guðmund Pálsson og Kjartan Örn Kjartansson innaborðs með 317 stig. Í öðru sæti hafnaði sveit Skotíþróttafélags Suðurlands með 289 stig. Hana skipuðu Hákon Þ. Svavarsson, Sveinbjörn Másson og Guðmundur Þórisson. Í þriðja sæti varð A-sveit Skotíþróttafélags Hafnarfjarðar með 281 stig en hana skipuðu Hörður Sigurðsson, Jakob Þ. Leifsson og Kristinn Rafnsson.

Helga jafnaði Íslandsmetið í Skeet

Sunnudagur, 08. maí 2016 16:01

Landsmót STÍ í haglabyssugreininni Skeet fer fram á skotvöllum Skotíþróttafélags Suðurlands við Þorlákshöfn um helgina. Kvennakeppnin fór fram í gær, laugardag en keppendur voru tveir að þessu sinni. Helga Jóhannsdóttir úr Skotíþróttafélagi Hafnarfjarðar sigraði og jafnaði Íslandsmetið með fínu skori, 55 stig (21-13-21) en Dagný H. Hinriksdóttir úr Skotfélagi Reykjavíkur tók silfrið með 52 stig (19-17-16).

Íslandsmótið í Frjálsri skammbyssu á Álfsnesi

Sunnudagur, 08. maí 2016 14:01

Íslandsmótinu í Frjálsri skammbyssu lauk nú fyrir stundu á Álfsnesi í Reykjavík. Íslandsmeistari varð Ásgeir Sigurgeirsson úr SR með 555 stig. Í öðru sæti varð Thomas Viderö úr SFK með 516 stig og í þriðja sæti Jórunn Harðardóttir úr SR með 508 stig en Stefán Sigurðsson úr SFK var einnig með 508 stig en Jórunn hafði betur með 4 x-tíur en Stefán með 3. Í liðakeppninni sigraði A-sveit Skotfélags Reykjavíkur með 1,510 stig en sveitina skipuð Ásgeir, Jórunn og Guðmundur Helgi Christensen. Í öðru sæti varð sveit Skotíþróttafélags Kópavogs, skipuð Thomasi, Stefáni og Báru Einarsdóttur, með 1,473 stig. Í þriðja sæti varð svo B-sveit Skotfélags Reykjavíkur skipuð Guðmundi Kr. Gíslasyni, Karli Kristinssyni og Engilbert Runólfssyni.Â