Skotfélag Reykjavíkur

Sunnudagur, 01. maí 2016 16:05

Jón Þór Sigurðsson, Skotíþróttafélagi Kópavogs, setti glæsilegt nýtt Íslandsmet í 50m liggjandi riffli þegar hann skoraði 623,7 stig á Íslandsmeistaramótinu í 50m liggjandi riffli sem fram fór í Íþróttahúsinu Digranesi laugardaginn 30. apríl. Þessi árangur Jóns Þórs dugði honum að sjálfsögðu til Íslandsmeistaratitils í karlaflokki en Guðmundur Helgi Christensen, Skotfélagi Reykjavíkur, varð annar með 615,5 stig. Guðmundur Helgi varð jafnframt Bikarmeistari keppnistímabilsins.

Þriðja sætið kom svo í hlut Vals Richters sem keppti fyrir Skotíþróttafélag Ísafjarðarbæjar en Valur skoraði 611 stig.
Í kvennaflokki varð Bára Einarsdóttir, Skotíþróttafélagi Kópavogs, (SFK) Íslandsmeistari en stig Báru voru 608,2 stig. Jórunn Harðardóttir, SR, varð önnur á 599 stigur og Íris Eva Einarsdóttir, einnig úr SR, varð þriðja með 568,3 stig. Í liðakeppni karla sigraði A sveit SFK með 1817,7 stig en sveitina skipuðu Stefán Eggert Jónsson og Arnfinnur Auðunn Jónsson auk Jóns Þórs. A sveit SÍ varð í öðru sæti liðakeppninnar með 1796,3 stig en sveit Ísfirðinganna skipuðu Valur Richter, Guðmundur Valdimarsson og Ívar Már Valsson.ÂÂÂÂÂ A sveit SR varð þriðja skipuð þeim Guðmundi Helga, Þorsteini B. Bjarnarsyni og Þóri Kristinssyni. Skor þeirra var 1791 stig. Ein sveit mætti til leiks í liðakeppni kvenna, A sveit Skotíþróttafélags Kópavogs, skipuð Báru Einarsdóttur, Guðrúnu Hafberg og Margréti Lindu Alfreðsdóttur. Samanlagt skor þeirra var 1714,7 stig Á Íslandsmeistaramótinu var keppt í flokkum og varð Jón Þór Íslandsmeistari í Meistaraflokki. Valur Richter, SÍ, varð Íslandsmeistari í 1. flokki. Þórir Kristinsson, SR, varð Íslandsmeistari í 2. flokki og Bjarni Sigurðsson, Skotdeild Keflavíkur, varð Íslandsmeistari í 3. flokki. Í Meistaraflokki kvenna varð Bára Einarsdóttir Íslandsmeistari. Íris Eva varð Íslandsmeistari í 3. flokki og Guðrún Hafberg í 0 flokki. ÂÂ _Ljósm.JAK

Íslandsmótið í Þrístöðu riffli á sunnudag

Föstudagur, 29. apríl 2016 15:47
Íslandsmótið í Þríþraut fer fram í Egilshöllinni á sunnudaginn 1.maí. Keppnisæfing er á morgun laugardag kl.16-19

LOKAÐ í dag vegna veðurs

Fimmtudagur, 28. apríl 2016 16:11
LOKAÐ er á Álfsnesi í dag vegna veðurs !!! Vindhviður hafa farið uppí 37 m/sek nú seinni partinn.

Reykjavíkurmótið fór fram í kvöld

Miðvikudagur, 27. apríl 2016 22:07
Meistaramót Reykjavíkur í loftskammbyssu og loftriffli fór fram í Egilshöllinni í kvöld. Reykjavíkurmeistarar urðu sem hér segir: Í loftskammbyssu karla Ásgeir Sigurgeirsson, í kvennaflokki Jórunn Harðardóttir og í unglingaflokki Margrét Þ. Skowronski. Í loftriffli karla Guðmundur Helgi Christensen og í kvennaflokki Íris Eva Einarsdóttir. Fleiri myndir hérna.

Reykjavíkurmótið í loftbyssu á miðvikudag

Mánudagur, 25. apríl 2016 20:28

Reykjavíkurmótið í loftskammbyssu og loftriffli fer fram í Egilshöllinni á miðvikudaginn. Mótið hefst kl.17:00 og ætti að verða lokið um 20:30. Fyrirkomulag er þannig að menn fara útá braut um leið og pláss leyfir. Hægt verður að hefja keppni í síðasta lagi kl. 19:30. Flestar bestu skyttur landsins eru skráðar til leiks og má því búast við harðri keppni. Efstu keppendur úr Skotfélagi Reykjavíkur hljóta titilinn Reykjavíkurmeistari 2016.

Ásgeir náði 9.sætinu í Ríó

Þriðjudagur, 19. apríl 2016 13:58

Ásgeir Sigurgeirsson var að ljúka keppni á Heimsbikarmótinu í Ríó í Brasilíu. Hann keppti núna í Frjálsri skammbyssu og hafnaði þar í 9.sæti og vantaði aðeins 1 stig til að komast í úrslit. Skorið var fínt hjá honum eða 558 stig og 11 x-tíur (92-95-97-92-89-93). Mótið var prufumót fyrir Ólympíuleikana í sumar á sama stað en Ásgeir hefur ekki tryggt sæti á þeim. Það verður ekki ljóst fyrr en í sumar hvort hann öðlist þátttökurétt fyrir Íslands hönd.