Skotfélag Reykjavíkur

Laugardagur, 28. janúar 2012 18:58

Íþrótta- og Ólympíusamband Íslands - ÍSÍ, fagnar 100 ára afmæli sínu 28. janúar 2012 en sambandið var stofnað þann dag í Bárubúð árið 1912. Alls mættu 25 fulltrúar frá sjö félögum á stofnfund sambandsins en það voru fulltrúar frá Reykjavíkurfélögunum Glímufélaginu Ármanni, Íþróttafélaginu Kára, Íþróttafélagi Reykjavíkur, Knattspyrnufélaginu Fram, Knattspyrnufélagi Reykjavíkur, Umf. Reykjavíkur og Umf. Iðunni. Að auki var á fundinum lögð fram ósk frá fimm félögum í viðbót að gerast stofnfélagar sambandins. það voru félögin Skautafélag Reykjavíkur, Sundfélagið Grettir og Akureyrarfélögin Íþróttafélagið Grettir, Glímufélagið Héðinn og Umf. Akureyrar. Axel Tulinius var kosinn fyrsti forseti ÍSÍ.

Á afmælisdaginn sjálfan ætlar ÍSÍ að halda hátíðarfund framkvæmdastjórnar í fundarsalnum Bárubúð í Ráðhúsi Reykjavíkur. Að honum loknum mun ÍSÍ bjóða boðsgestum til móttöku í Ráðhúsi Reykjavíkur. Á afmælisárinu verða fjölmargir viðburðir á dagskrá, bæði viðburðir sem ÍSÍ stendur fyrir en einnig viðburðir sem verða skipulagðir af sambandsaðilum ÍSÍ um land allt eða í samstarfi við sambandsaðila og aðildarfélög þeirra.

ÍSÍ er síungt samband og framtíðin er björt hjá íslenskri íþróttahreyfingu. ÍSÍ óskar íþróttahreyfingunni og landsmönnum öllum til hamingju með 100 ára afmælið.

Ásgeir einu stigi frá úrslitum í dag !

Laugardagur, 28. janúar 2012 14:07

Ásgeir endaði mótið í dag á 579 stigum og var aðeins einu stigi frá því að komast í úrslit. Frábær árangur hjá honum á þessum tveimur mótum í Þýskalandi og vonandi að það efli hann fyrir átökin á Evrópumeistaramótinu í Finnlandi í febrúar. Skorið var alveg frábært í dag, 95 97 100 98 96 93 og 22x-tíur. Hann endaði í 13.sæti á þessu gríðarsterka móti en keppendur voru alls 83 talsins.

Opið á Álfsnesi í dag 12-16

Laugardagur, 28. janúar 2012 12:00
Það er opið á Álfsnesi í dag hjá okkur í dag til kl. 16. Lokað í Egilshöllinni

Ásgeir með silfur í München !!!

Föstudagur, 27. janúar 2012 17:31

Ásgeir Sigurgeirsson náði silfurverðlaunum á stórmótinu IWK í München í Þýskalandi í dag. Hann skaut frábærlega í úrslitunum með 101,7 stig + 583 í undankeppninni og endaði því með 684,7 stig. Sigurvegarinn varð Oleg Omelchuk frá Úkraínu var með 687.2 stig en hann er í 7.sæti á heimslistanum, Andrija Zlatic frá Serbíu varð í 3ja sæti með 684,3 stig en hann er í öðru sæti á heimslistanum. Það verður gaman að sjá hvað Ásgeir gerir svo á mótinu á morgun. Í 4.sæti varð Yusuf Dikec frá Tyrklandi sem er í 3.sæti á heimslistanum, fimmti varð Juraj Tuzinsky frá Slóvakíu sem er í 20.sæti heimslistans, Ivan Bidnyak frá Úkraínu varð sjötti en hann er í 18.sæti listans, Damir Mikec frá Serbíu varð sjöundi en hann er í 14.sæti heimslistans og Tomoyuki Matsuda frá Japan varð svo í áttunda sæti en hann er í 4.sæti heimslistans. Ásgeir er sem stendur í 63.sæti listans í loftskammbyssu. Þess má einnig geta að allir keppinautar Ásgeirs í úrslitunum eru búnir að tryggja sér sæti á Ólympíuleikunum í London í ágúst ! /gkg /

Ásgeir er í 3.-4.sæti fyrir final í loftskammbyssu !

Föstudagur, 27. janúar 2012 16:04

Ásgheir er í 3.-4.sæti fyrir final á stórmótinu í Þýskalandi. Finalinn hefst núna kl.16:30 og verður spennandi að fylgjast með honum þar. Hann er með 583 stig. Sá sem er í fyrsta sæti er með 586 og sá áttundi er með 581 stig. Það getur því allt gerst í úrslitunum.

Tímasetning á mótinu í Þýskalandi