Skotfélag Reykjavíkur

Föstudagur, 03. september 2010 17:54
Einhver truflun verður á fyrri parti opnunartíma á Álfsnesi á morgun vegna námskeiðahalds.

Samantekt á skori í skeet 2010

Fimmtudagur, 02. september 2010 12:01
Komin er samantekt á skori í skeet á þessu tímabili. Taflan er hérna.

Grafarvogsdagurinn á laugardag

Þriðjudagur, 31. ágúst 2010 17:40
Á Grafarvogsdeginum sem haldinn er hátíðlegur á laugardaginn kemur verður félagið með opið í Egilshöllinni kl. 12 til 16. Innanhúskeppnisgreinar í skotfimi verða kynntar og verður hægt að skjóta af loftrifflum og loftskammbyssum félagsins undir leiðsögn reyndra keppenda SR. Aldurstakmark er 18 ár en 15-17 ára með skriflegt leyfi frá foreldrum fá einnig að skjóta.

Opið í vikunni á Álfsnesi

Mánudagur, 30. ágúst 2010 11:32
Í dag verður opið kl.17-21, á morgun þriðjudag kl.16-21, miðvikudag og fimmtudag kl.17-21. Og svo á laugardaginn kl.10-18. Athguið þó að truflun verður á starfseminni vegna námskeiðahalds á laugardaginn.

Örn sigraði á Reykjavík Open

Sunnudagur, 29. ágúst 2010 18:01

Örn Valdimarsson úr Skotfélagi Reykjavíkur sigraði á mótinu í dag og varð einnig Reykjavíkurmeistari í skeet 2010. Hann skaut 114 undankeppninni og svo 22 í úrslitum og endaði á alls 136 dúfum. Guðmann Jónasson frá skotfélaginu Markviss á Blönduósi varð annar með 135 stig, eftir bráðabana við Íslandsmeistarann úr sama félaginu, Bergþór Pálsson. ÍB-úrslitum sigraði Þórður Kárason úr SÍH á 103 dúfum, annar varð Óskar R. Karlsson úr SR á 102 dúfum og í 3ja sæti hafnaði Vignir J.Vignisson á 101 dúfu. Úrslitin eru hérna og eins myndir frá mótinu hérna. Þökkum styrktaraðilum okkar fyrir stuðninginn en þeir voru að þessu sinni Sportvörugerðin, Ísnes, Vesturröst, Ellingsen og Hlað.

Guðmann efstur eftir fyrri dag

Laugardagur, 28. ágúst 2010 17:31

Á Opna Reykjavíkurmótinu er Guðmann Jónasson frá Blönduósi efstur eftir fyrri dag með 69 dúfur, en í öðru til þriðja sæti eru jafnir með 68 dúfur þeir Örn Valdimarsson úr okkar félagi og Bergþór Pálsson, Íslandsmeistarinn frá Blönduósi. Í B-keppninni er Þórður Kárason frá Hafnarfirði efstur með 51 dúfu en unglingurinn okkar, Óskar R. Karlsson, er í öðru sæti með 50 dúfur og svo Vignir J.Vignisson í 3ja sæti með 49 dúfur. Keppnin um verðlaunasætin verður því mjög spennandi á morgun. Keppni hefst kl.10:00 og verða þá skotnir 2 hringir en úrslitin hefjast svo kl.13:45. Staðan eftir fyrri daginn er hérna. Myndir frá keppni dagsins eru svo hérna.