Skotfélag Reykjavíkur

Lokað á haglavöllum en riffilvöllur opinn að hluta

Föstudagur, 27. ágúst 2010 19:38
Á morgun laugardag verður lokað á haglavöllum félagsins vegna Opna Reykjavíkurmótsins. Eins verður truflun á opnun riffilvallar vegna námskeiðs Umhverfisstofnunar og Lögreglunnar. Það hefst kl. 10:00 einsog mótið og stendur fram til u.þ.b. kl.15:00.

Tímatafla Reykjavík Open komin

Fimmtudagur, 26. ágúst 2010 19:09
Tímatafla mótsins um helgina er nú komin hérna. Úrslitin hefjast á sunnudaginn kl.13:45

Opna Reykjavíkurmótið í skeet um næstu helgi !

Mánudagur, 23. ágúst 2010 19:44

Opna Reykjavíkurmótið verður haldið á Álfsnesi um næstu helgi. Skotnir verða 3 hringir á laugardeginum og verður þá skipt í tvo jafna flokka fyrir sunnudaginn og fara þá 50% bestu eftir fyrri daginn í A-flokk og hinn hlutinn í B-flokk. Final verður í báðum flokkum. Konur,karlar og unglingar keppa saman. Vegleg verðlaun eru veitt fyrir efstu þrjú sætin í A-flokki og eins í B-flokki. Efsti keppandinn úr Reykjavíkurfélagi hlýtur titilinn Reykjavíkurmeistari 2010. Keppnisgjald er kr. 7,000. Eftir keppni á sunnudeginum bíður félagið öllum keppendum og fylgismönnum þeirra til grillveislu á keppnisstað. Þess ber einnig að geta að Heilbrigðiseftirlit Reykjavíkurborgar veitti leyfi til keppni á sunnudeginum samkvæmt ákvæðum í starfsleyfi félagsins. Athugið að skráningu á mótið lýkur að kvöldi þriðjudagsins 24.ágúst.

Opið á miðvikudag kl. 16-21

Mánudagur, 23. ágúst 2010 16:22
Nú líður að vetraopnun og eru fyrstu afleiðingar þess að við náum ekki að opna fyrr en kl.16 á miðvikudaginn. Sjá nánar undir Opnunartímar.

Bergþór Pálsson Íslandsmeistari karla

Sunnudagur, 15. ágúst 2010 18:52

Bergþór Pálsson úr Skotfélaginu Markviss á Blönduósi varð í dag Íslandsmeistari í haglabyssu-skeet og skaut þar 114 skífur af 125. Í öðru sæti varð Sigurþór Jóhannesson úr Skotíþróttafélagi Hafnarfjarðar og í 3ja sæti varð svo Örn Valdimarsson úr Skotfélagi Reykjavíkur. Í unglingaflokki sigraði Sigurður U.Hauksson úr Skotfélagi Húsavíkur, í öðru sæti varð Pétur H. Friðriksson einnig frá Húsavík og í 3ja sæti varð Óskar R. Karlsson úr Skotfélagi Reykjavíkur. Í liðakeppninni sigraði sveit SÍH, í öðru sæti varð sveit SFS og í því 3ja sveit SR. Íslandsmeistarar voru einnig krýndir í öllum flokkum, í Meistaraflokki Sigurþór Jóhannesson úr SÍH, í 1.flokki Bergþór Pálsson úr MAV, í 2.flokki Hilmar Árnason úr SR, í 3.flokki Þórður Kárason úr SÍH, í 0.flokki Vignir J. Vignisson úr SR og í öldungaflokki Halldór Helgason úr SR. Nánari úrslit eru komin á úrslitasíðuna og svo er myndasyrpa að koma hérna.

Inger Anna Ericson Íslandsmeistari kvenna í skeet

Laugardagur, 14. ágúst 2010 21:32

Fyrri degi Íslandsmótsins í haglabyssu-skeet sem haldið er á völlum félagsins er nú lokið og var nýr Íslandsmeistari í kvennaflokki krýndur í dag í dag. Inger Anna Ericson úr Skotíþróttafélagi Hafnarfjarðar stóð uppi sem sigurvegari eftir úrslitakeppnina. Í karlaflokki leiðir Bergþór Pálsson úr skotfélaginu Markviss á Blönduósi en fast á hæla hans koma Örn Valdimarsson úr Skotfélagi Reykjavíkur og Sigurþór Jóhannesson úr Skotíþróttafélagi Hafnarfjarðar. Keppni hefst aftur í fyrramálið kl. 10:00 en finalinn hefst kl.15:00. Staðan eftir fyrri dag er hérna.