Evrópska skotsambandið var að gefa út nýjan stöðulista í morgun. Ásgeir Sigurgeirsson tók stökk á listanum yfir bestu skotmenn Evrópu í frjálsri skammbyssu og er nú kominn uppí 19.sæti. Þetta er besta staða íslensks skotmanns í Evrópu frá upphafi mælinga. Hann er langfremstur Norðurlandabúa en næstur þeirra er Finni í 40.sæti. Framundan hjá Ásgeiri er þátttaka á heimsbikarmóti í Bandaríkjunum um miðjan Maí og eins á heimbikarmótinu í Þýskalandi í júní. Einnig er hann að fara á Smáþjóðaleikana í Liechtenstein í byrjun júní.

Minnum alla á hið árlega Christensenmót í loftskammbyssu og loftriffli á miðvikudaginn. Keppendur skrá sig á staðnum og geta byrjað að skjóta frá kl.16 til 20. Keppt er í opnum flokki í báðum greinum og skotið 60 skotum. Athugið að lokað er fyrir almennar æfingar þann daginn.

Íslandsmótinu í loftbyssugreinunum er nú lokið. Steinunn Guðmundsdóttir úr SKA setti nýtt Íslandsmet í unglingaflokki kvenna í loftskammbyssu, bæði með og án final, Númi Ólafsson úr SFK jafnaði Íslandsmetið í unglingaflokki án final og svo setti kvennasveit SR Íslandsmet í loftskammbyssu. Í loftskammbyssu karla varð Ásgeir Sigurgeirsson Íslandsmeistari, í loftskammbyssu kvenna Jórunn Harðardóttir, í loftriffli karla Guðmundur Helgi Christensen, í loftriffli kvenna Íris Eva Einarsdóttir, í liðakeppni karla A-sveit Skotfelags Reykjavíkur (Ásgeir Sigurgeirsson,Guðmundur Kr.Gíslason,Guðmundur H.Christensen), í liðakeppni kvenna A-sveit Skotfélags Reykjavíkur (Jórunn Harðardóttir,Kristína Sigurðardóttir,Inga Birna Erlingsdóttir). Eins voru krýndir Íslandsmeistarar í öllum flokkum karla og kvenna. Myndir eru hérna.

Athugið að það er lokað í Egilshöllinni fyrir almennar æfingar á morgun vegna Íslandsmótsins í Loftbyssugreinunum sem haldið er þar. Á Álfsnesi verður truflun á starfseminni vegna skotvopnanámskeiðs UST og lögreglunnar. Það námskeið stendur yfir frá kl. 10 til ca 14. Hægt verður að skjóta en áréttað að námskeiðin ganga fyrir almennum æfingum á meðan þau standa yfir.

Riffilnefnd SR hefur verið sett á laggirnar. Í henni sitja Magnús Sigurðsson sem er formaður hennar, Hjálmar Ævarsson og Kjartan Friðriksson.