Sigurður Unnar Hauksson úr Skotfélagi Reykjavíkur varð í dag Íslandsmeistari í karlaflokki í haglabyssugreininni Skeet. Annar varð Örn Valdimarsson úr SR (114+11/12) og í þriðja sæti Hákon Þ.Svavarsson úr SFS (105+13/14). Í unglingaflokki varð Marinó Eggertsson úr SÍH (90) Íslandsmeistari. Í öldungaflokki varð Gunnar Sigurðsson úr SR ( 74) Íslandsmeistari. Íslandsmeistari í liðakeppni varð A-sveit Skotfélags Reykjavíkur með 316 stig (Örn Valdimarsson 114,Sigurður U.Hauksson 114, Kjartan Ö.Kjartansson 88). Í öðru sæti varð A-sveit Skotíþróttafélags Hafnarfjarðar með 286 stig (Hörður Sigurðsson 95, Marinó Eggertsson 90, Jakob Þ.Leifsson 101) og í þriðja sæti B-sveit Skotfélags Reykjavíkur með 253 stig (Guðmundur Pálsson 101, Gunnar Sigurðsson 78, Halldór Helgason 74).

Íslandsmótið í haglabyssugreininni skeet fer fram á Iðavöllum í Hafnarfirði um helgina. Keppni í kvennaflokki lauk í dag og varð Helga Jóhannsdóttir úr SÍH Íslandsmeistari. Í öðru sæti varð Snjólaug M.Jónsdóttir úr MAV og í þriðja sæti Dagný H. Hinriksdóttir úr SR. Sveit Skotíþróttafélags Hafnarfjarðar (SÍH) varð Íslandmsiestari í liðakeppninni en hana skipuðu ásamt Helga Jóhannsdóttir, Hrafnhildur Hrafnkelsdóttir og Anný B. Guðmundsdóttir. Önnur varð sveit Skotfélags Reykjavíkur (SR)  Dagný H. Hinriksdóttir, Eva Ó. Skaftadóttir og Sigurveig Björgólfsdóttir. Í þriðja sæti var sveit Skotfélagsins Markviss (MAV) Snjólaug M. Jónsdóttir, Jóna P.T.Jakobsdóttir og Bjarnþóra M. Pálsdóttir. Keppni í karlaflokki lýkur á morgun en staðan eftir fyrri dag er þannig að Örn Valdimarsson og Sigurður Unnar Hauksson úr SR eru jafnir með 68 stig, Snorri J.Valsson úr SFS er með 67 stig, Hákon Þ.Svavarsson úr SFS er með 66 stig, Jakob Þ.Leifsson úr SÍH með 65 stig og Guðmann Jónasson úr MAV með 64 stig. Keppni þeirra heldur áfram í fyrramálið.

Á landsmóti Skotíþróttasambands Íslands sem haldið var laugardaginn 23.júlí á Akranesi, bætti Helga Jóhannsdóttir úr SÍH Íslandsmet kvenna í haglabyssugreininni Skeet. Fyrra metið var 55 stig en Helga náði núna 57 stigum. Í öðru sæti varð Dagný H. Hinriksdóttir úr Skotfélagi Reykjavíkur og í þriðja Guðrún H. Guðjónsdóttir úr Skotfélagi Akraness. Í karlaflokki sigraði Hákon Þ. Svavarsson úr Skotíþróttafélagi Suðurlands með 113-12-11 stig eftir bráðabana í úrslitum við Stefán G. Örlygsson úr Skotfélagi Akraness sem endaði með 111-14-11. Í þriðja sæti varð Örn Valdimarsson úr Skotfélagi Reykjavíkur með 112-11-15 stig. Liðakeppnina sigraði sveit Skotfélags Reykjavíkur með 315 stig (Örn Valdimarsson, Kjartan Ö. Kjartansson, Guðmundur Pálsson), sveit Skotíþróttafélags Hafnarfjarðar varð önnur með 298 stig (Jakob Þór Leifsson, Marinó Eggertsson, Aðalsteinn Svavarsson) og í þriðja sæti sveit Skotfélags Akraness með 249 stig (Stefán G. Örlygsson, Ólafur S. Ólafsson, Björn G.Hilmarsson). Fleiri myndir má finna hérna.

Örn Valdimarsson og Sigurður Unnar Hauksson kepptu á Copenhagen Grand Prix mótinu um helgina. Örn endaði í 16.sæti í Elite -flokknum með 108 stig (21 24 21 21 21) en Sigurður komst í úrtslit í A-flokknum og endaði þar í 5.sæti með 110 stig en hann var efstur fyrir úrslitin.

Evrópumeistaramótinu í haglabyssugreinunum sem haldið var í Lonato á Ítalíu liðna viku lauk í dag. Íslands átti þrjá keppendur í Skeet. Sigurður Unnar Hauksson varð í 44.sæti með 114 stig (21 22 23 23 25), Örn Valdimarsson í 55.sæti með 111 stig (25 20 22 24 20) og Hákon Þ. Svavarsson í 57.sæti með 110 stig (22 23 22 20 23). Í keppninni jöfnuðu tveir keppendur heimsmetið 125 af 125 stigum og eins bætti ítalska sveitin heimsmetið í liðakeppni með 371 stig. Nánari úrslit má sjá hérna.