Á landsmóti STÍ í haglabyssu-skeet sem haldið er á Álfsnesi um helgina, sigraði A-lið SR í liðakeppni kvenna með 73 stig en sveitina skipuðu þær Dagný H.Hinriksdóttir(28), Eva Ó. Skaftadóttir (23) og Lísa Óskarsdóttir (22). Í öðru sæti varð sveit SÍH með 65 stig. Í einstaklingskeppninni varð Dagný í öðru sæti, Eva í því fjórða og Lísa í 5.sæti. Snjólaug M. Jónsdóttir úr MAV sigraði með 33 stig. Í karlaflokki er Sigurþór Jóhannesson úr SÍH efstur eftir fyrri dag í karlaflokki með 67 stig, okkar maður Örn Valdimarsson er annar með 65 stig og Kjartan Ö. Kjartansson einnig úr SR er þriðji með 63 stig. Fullt af myndum frá deginum eru hérna.

Grafarvogsdagurinn er haldinn hátíðlegur í dag í þessu stóra hverfi í Reykjavík. ýmsar uppákomur verða í tilefni dagsins um allt hverfið. Við munum að sjálfsögðu taka þátt í honum og verðum með opið fyrir almenning í æfingahúsnæði félagsins í Egilshöllinni. Almenningi gefst þar kostur á að prófa keppnisloftriffla félagsins undir styrkri leiðsögn leiðbeinenda okkar. Opið verður kl. 15-17 í dag.

Skráningarfresti á landsmótin um helgina lauk í gærkvöldi. Í haglabyssuna bárust skráningar frá 28 keppendum úr 6 félögum, SR, SFS, SKA, MAV, SÍH og SA. Opin æfing keppenda í skeet kl.16-20 á Álfsnesi á föstudaginn. Í skammbyssuna bárust skráningar frá 9 keppendum úr SR og SFK. Opin æfing keppenda í Egilshöll kl.19-20

Undanfarið hafa verið gerðir samstarfssamningar við nokkur skotíþróttafélög. Um er að ræða gagnkvæman rétt félagsmanna á æfingaaðstöðum þeirra. Nú þegar hafa samningar við Skotfélag Akraness, Skotfélagið Markviss og Skotíþróttafélag Suðurlands verið undirritaðir. Fleiri samningar bíða undirritunar.

Um næstu helgi fara fram tvö landsmót hjá okkur. Í Egilshöllinni er mót í Grófri skammbyssu á laugardaginn. Á Álfsnesi er mót í haglabyssu-skeet á laugardag og sunnudag. Skráningu á þessi mót lýkur á ÞRIÐJUDAGINN og þurfa skráningar að berast á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .

Einnig er Grafarvogsdagurinn á sunnudaginn og er þá opið hús hjá okkur í Egilshöllinni þar sem gestir geta fengið að prófa loftriffla. Yngri en 15 ára geta því miður ekki fengið að prófa en 15-18 ára með heimild foreldra.

Félagsmót í BR50 riffli er á sunnudeginum á Álfsnesi sem hefst kl.10:00 og er skráning á staðnum.