Skotfélag Reykjavíkur

Mánudagur, 21. apríl 2014 17:25

Fyrsta Mávamót SR í ár fór fram í dag í ekki sem bestu aðstæðum, rigningaskúrum og á stundum allskonar vindi, nokkuð hvössum, en þó var mótið hin besta skemmtun. Nokkrir ferskir keppendur mættu til leiks og höfðu gaman að. Mikil og misjöfn glíma var við náttúruöflin, rigninguna og rokið og gekk keppendum misjafnlega í þessum aðstæðum. Daníel Sigurðsson sigraði á mótinu með samtals 142 stig af 150 mögulegum. Á hæla honum kom Bergur Arthússson með 141 stig og í þriðja sæti Kjartan Friðriksson með 131 stig. Soffía Bergsdóttir endaði í fjórða sæti með 128 stig og Sigurður Einarsson í því fimmta með 126 stig. Mávamótin fara fram á 300, 200 og 100 metrum og er 5 skor skotum skotið á hvert færi. Þeir sem vilja kynna sér sportið nánar, geta skoðað skífurnar uppi á Álfsnesi og fengið þar frekari upplýsingar.

Skráning á Íslandsmót í loftbyssu og Landsmót í skeet

Föstudagur, 18. apríl 2014 18:19
Tvö STÍ mót eru helgina 26.-27. apríl. Íslandsmótið í loftbyssugreinunum fer fram í Egilshöll og í Hafnarfirði verður fyrsta landsmót sumarsins í Skeet. Skráning okkar keppenda þarf að berast í síðasta lagi fyrri part þriðjudagsins 22.apríl á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Páskamótinu í skeet frestað til 2.í páskum

Föstudagur, 18. apríl 2014 18:08
Páskamótinu í Skeet sem halda átti á morgun er frestað til mánudags 2.í Páskum. Mæting kl.10:00

Mávamót annan í páskum !

Föstudagur, 18. apríl 2014 15:48
Mávamótið sem halda átti 18. apríl verður haldið annan í páskum kl 12:00 ! Allir velkomnir - mótagjald er kr. 1000- Nánari upplýsingar á mótsstað - góða skemmtun........

Breyting á mótaskrá STÍ

Mánudagur, 14. apríl 2014 17:23

TILKYNNING FRÁ STÍ: Stjórn STÍ samþykkti á fundi sínum í dag breytingu á mótaskrá að ósk Skotféloags Akureyrar. Af óviðráðanlegum orsökum verður að flytja Íslandsmótin sem vera áttu 14.-15.júní um eina helgi og verða þau þannig:

21. Júní 2014 Sport skammbyssa

22. Júní 2014 Gróf skammbyssa

Ásgeir og A-liðið okkar Íslandsmeistarar í dag

Laugardagur, 12. apríl 2014 14:58

Íslandsmeistaramót STÍ í Frjálsri skammbyssu fór fram í dag. Ásgeir Sigurgeirsson úr SR varð Íslandsmeistari í einstaklingskeppninni, Stefán Sigurðsson úr SFK varð annar og Jórunn Harðardóttir, varð í þriðja sæti. Í liðakeppninni varð A-sveitin okkar Íslandsmeistari en hana skipuðu Ásgeir og Jórunn ásamt Guðmundi Kr. Gíslasyni. Í öðru sæti varð A-sveit SFK með Stefán Sigurðsson, Thomas Viderö og Karl Einarsson innanborðs. Í þriðja sæti hafnaði svo B-sveit SR en í henni voru Guðmundur H.Christensen, Engilbert Runólfsson og Jón Á.Þórisson.