Big Bore - mótið verður haldið sunnudaginn 25. Maí kl. 12 á riffilvelli Skotfélags Reykjavíkur Álfsnesi.
10 skot fríhendis á 100 metrum með riffli yfir 8 mm hlaupvídd. Skràning i Hlað Bíldshöfða 12 fyrir 22. Maí. VEGLEG VERÐLAUN. Úrslitin eru á Hlað-síðunni...

Reglulegar Benchrest-æfingar (centerfire) eru að byjrja á Álfsnesi. Fyrsta reglulega æfing SR verður á fimmtudaginn 22. maí kl 19:00 til 22:00. Æfingar verða haldnar á fimmtudögum í sumar á þessum tíma og má gera ráð fyrir ýmiskonar æfingakeppnum á æfingatímum, sem verða ákveðnar á staðnum á hverri æfingu eftir atvikum.

Heimsbikarmótinu í Kazakhstan er að ljúka og endaði Ellert Aðalsteinsson í 47.sæti með 114 stig,(22-23-22-23-24) aðeins einu stigi frá Íslandsmetinu. Efstu 6 skotmennirnir fara í úrslit sem hefjast kl.09:45 að íslenskum tíma.

A-liðið okkar varð í öðru sæti á landsmóti STÍ í dag með 293 enA-sveit SÍH sigraði með 295 stig. Sveitina okkar skipuðu Örn Valdimarsson (102), en hann varð jafnframt í 3ja sæti í einstaklingskeppninni, eftir bráðabana við Stefán G.Örlyggson úr SKA og okkar mann Kjartan Ö. Kjartansson, Sigurður U.Hauksson (97) og Guðmundur Pálsson (94). Í þriðja sæti varð B-sveit SR með 279 stig en hana skipuðu Gunnar Sigurðsson (80), Kjartan Ö.Kjartansson (102) og Þorgeir M. Þórgeirsson (97). Í einstaklingskeppninni sigraði Sigurþór Jóhannesson úr SÍH með 112 stig, annar varð Grétar M. Axelsson úr SA með 104 stig og Örn Valdimarsson úr SR með 102 stig.

Ellert Aðalsteinsson er búinn að skjóta 2 umferðir af 5 og er með 45 stig (22-23). Efstur er Jesper Hansen frá Danmörku með 50 stig. Hægt er að fylgjast með gangi máli hérna. Skotnir eru 3 hringir í dag og svo 2 á morgun.