Opið verður, fyrir félagsmenn SR, á Álfsnesi fimmtudaginn 16.jan og föstudaginn 17.jan á haglavöllum fyrir SKEET æfingar kl.12-15. Æfingastjóri verður Gunnar Sigurðsson.

Silúettuæfingar með stórum skammbyssum eru að hefjast. Fyrst um sinn verða þær seinnipartinn á laugardögum og verður fyrsta æfing á laugardaginn kemur kl.14 - 16. Félagsmenn eru allir velkomnir að taka þátt en þið verðið að taka með ykkur byssur sjálf. Yfirleitt eru notaðar rúllur í  t.d. cal.357 þar sem skotið er útá allt að 100 metra færi. Æfingastjóri verður Eiríkur Björnsson og mun hann örugglega taka vel á móti ykkur á fyrstu æfingar. Þessar æfingar hafa forgang á æfingatíma.

Á landsmóti STÍ í Sportskammbyssu sem haldið var í Digranesi í gær, urðu liðin okkar í 1. og 2.sæti. Í A-liðinu voru Karl Kristinsson(532), Kristína Sigurðardóttir(524) og Jón Á. Þórisson(488) með 1,544 stig. Í B-liðinu voru Engilbert Runólfsson(521), Kolbeinn Björgvinsson(484) og Jórunn Harðardóttir(475) með 1,480 stig. Í 3ja sæti varð A-lið SFK með 1,465 stig. Í einstaklingskeppninni sigraði yngsti keppandinn, Grétar M. Axelsson frá Akureyri með 544 stig, annar varð Karl Kristinsson úr SR með 532 stig og í þriðja sæti Kristína Sigurðardóttir úr SR með 524 stig. Þess má geta að Sportskammbyssa er kvennagrein á Ólympíuleikum en hérlendis er keppt í opnum flokki karla og kvenna. Afar ánægjulegt er að sjá fjölda keppenda og greinilegt að þessi grein vekur áhuga margra iðkenda. Keppt er með hálfsjálfvirkum cal.22 skammbyssum eða rúllum, á 25 metra færi. Á YouTube síðu Alþjóða Skotsambandsins má sjá hvernig þessi grein fer fram t.d.hérna. Myndir frá mótinu eru hérna.  _/gkg

Ásgeir Sigurgeirsson keppir með liði sínu, TSV Öttlingen, í þýsku deildinni í dag. Hægt er að sjá stöðuna hérna.

Opnuð hefur verið ný heimasíða þar sem allar upplýsingar um Smáþjóðaleikana 2015. Slóðin er www.reykjavik2015.is. Þeir verða haldnir í Reykjavík dagana 1. til 6.júní 2015. Í skotfimi verður keppt í loftskammbyssu og loftriffli í íþróttahúsi fatlaðra í Hátúni. Á Álfsnesi verður svo keppt í haglabyssu skeet, 60 skotum liggjandi riffli(s.k.enskum) og frjálsri skammbyssu. Í dag hélt ÍSÍ kynningarfund um leikana í íþróttamiðstöðinni í Laugardal og var þangað boðið ráðamönnum Reykjavíkurborgar og Ríkisins sem um þessi mál fjalla.