Íslandsmótið í Frjálsri skammbyssu fer fram í Egilshöllinni á sunnudaginn. Riðlablað hér.

Hér er hægt að fylgjast með skorinu í beinni.

Þar sem ekki fékkst heimild frá Heilbrigðiseftirliti Reykjavíkurborgar til að fylgja alþjóðareglum um æfingadag, hefur landsmótinu í Skeet sem halda átti dagana 13.-14.maí verið frestað um óákveðinn tíma.

Tjaldurinn er mættur á bílastæðið á skotsvæðinu okkar á Álfsnesi. Komin þrjú egg í hreiðurstæðið. Varnargirðingar hafa verið reistar og settur vaktmaður við hreiðrið. Tjaldurinn veit að þarna er hann öruggur því nóg er af varnarmönnum á svæðinu til varnar varginum já og rebba þegar hann skoðar nesið.

Íslandsmeistaramót í Loftriffli og Grófri skammbyssu fóru fram í Egilshöllinni í dag. Í loftriffli kvenna sigraði Jórunn Harðardóttir úr SR með 590,4 stig og Íris Eva Einarsdóttir hlaut silfrið með 580,6 stig. Í karlaflokki sigraði Guðmundur Helgi Christensen úr SR með 589,4 stig, Þórir Kristinsson annar með 571,3 stig og í þriðja sæti hafnaði Leifur Bremnes úr SÍ með 535,3 stig.

Í Grófu skammbyssunni sigraði Ívar Ragnarsson úr SFK með 537 stig, annar varð Karl Kristinsson úr SR með 521 stig og bronsið vann Engilbert Runólfsson úr SR með 457 stig.

Skoða má nánari úrslit og eins hverjir unnu Íslandsmeistaratitil í sínum flokki, á úrslitasíðu STÍ,

Fleiri myndir hérna.

Íslandsmeistaramótið í Loftskammbyssu fór fram í Egilshöllinni í dag. Ívar Ragnarsson úr SFK sigraði í karlaflokki með 566 stig, Bjarki Sigfússon úr SFK varð annar með 546 stig og þriðji Magnús Ragnarsson úr SKS með 530 stig. Í kvennaflokki sigraði Jórunn Harðardóttir úr SR með 550 stig, Kristína Sigurðardóttir úr SR varð önnur með 529 stig og þriðja Aðalheiður L. Guðmundsdóttir úr SSS með 512 stig. Í drengjaflokki sigraði Adam Ingi Höybe Franksson úr SFK með 490 stig, Óðinn Magnússon úr SKS varð annar með 485 stig og í þriðja sæti hafnaði Elfar Egill Ívarsson úr SKS með 362 stig. Í stúlknaflokki sigraði Elín Kristín Ellertsdóttir úr SKS með 491 stig og silfrið hlaut Elísabet Xiang Sveinbjörnsdóttir úr SR með 450 stig. Lið SFK sigraði í karlaflokki og lið SR í kvennaflokki.

 Eins voru krýndir Íslandsmeistarar í flokkum og er hægt að nálgast nánari upplýsingar á úrslitasíðu STÍ.

Nokkrar myndir hérna.