Skotfélag Reykjavíkur

Sunnudagur, 23. apríl 2023 09:08

Skotþing 2023, ársþing STÍ, var haldið í Íþróttamiðstöðinni í Laugardal í dag. Mættir voru 36 fulltrúar frá 9 af 15 aðildarsamböndum STÍ.ÂÂ Fundarstjóri var Jón S. Ólason fyrrverandi formaður STÍ og ritari þingsins var Kjartan Friðriksson, fyrrverandi ritari stjórnar. Ný stjórn sambandsins er nú skipuð þannig að Halldór Axelsson var endurkjörinn formaður til næstu 2ja ára, Ómar Örn Jónsson og Magnús Ragnarsson(sem kemur nýr inní stjórn), voru kjörnir til 2ja ára ásamt varamanninum Sigurði I. Jónssyni, sem einnig kemur nýr inní varastjórn ásamt Birnu Sævarsdóttur, sem var kjörin til eins árs. Jórunn Harðardóttir og Guðmundur Kr. Gíslason sitja áfram til eins árs. Kolbrún Hrund Sigurgeirsdóttir úr framkvæmdastjórn ÍSÍ færði þingi kveðju framkvæmdastjórnar ÍSÍ og Lárusar Blöndal forseta ÍSÍ. Þingið tók fyrir ýmis mál og má þar nefna að hugmyndir um hausagjald voru felldar með yfirgnæfandi meirihluta en tillaga um skotíþróttamiðstöð var samþykkt með breytingum. Frétt af www.sti.is

Íslandsmeistarar í Þrístöðuriffli

Mánudagur, 17. apríl 2023 21:12
Íslandsmeistaramót STÍ í 50m Þrístöðu riffli fór fram í Egilshöllinni í dag. Íslandsmeistarar urðu Þórir Kristinsson úr SR í karlaflokki, Viktoría Erla Bjarnarson úr SR í kvennaflokki og lið Skotfélags Reykjavíkur í liðakeppni.

Jórunn Íslandsmeistari

Laugardagur, 15. apríl 2023 20:27

Íslandsmeistaramótið í 50 m riffli fór fram í aðstöðu Skotíþróttafélags Kópavogs íÂÂÂ Digranesi í dag.ÂÂÂ Jórunn Harðardóttir úr SR varð Íslandsmeistari í kvennaflokki með 613,3 stig og silfrið hlaut Viktoría Bjarnarson úr SR með 587,1 stig.

Karen Rós Valsdóttir úr Skotíþróttafélagi Ísafjarðar bætti þar Íslandsmetið í unglingaflokki stúlkna með skori uppá 580,2 stig og hlaut Íslandsmeistaratitil stúlkna. Íslandsmeistarar urðu Jón Þór Sigurðsson úr SFK í karlaflokki með 622,0 stig, annar varð Arnfinnur A. Jónsson úr SFK með 612,7 stig og Valur Richter úr SÍ þriðji með 607,0 stig.ÂÂÂ Íslandsmeistari drengja varð Óðinn Magnússon úr SKS með 566,8 stig. Nánar má sjá úrslitin á úrslitasíðu STÍ hérna.

Íslandsmót í Þrístöðuriffli í Egilshöll á sunnudag

Laugardagur, 15. apríl 2023 09:56
Íslandsmeistaramótið í Þrístöðu-riffli fer fram í Egilshöllinni á sunnudaginn. Hægt er að fylgjast með skorinu í beinni hérna.

Úrtökumót fyrir Möltu í skeet

Fimmtudagur, 30. mars 2023 11:02
Fyrsta úrtökumótið fyrir Smáþjóðaleikana á Möltu fer fram laugardaginn 1.apríl á skotsvæði Skotfélags Reykjavíkur á Álfsnesi. Engin sérstök keppnisæfing verður á föstudeginum, enda ekki heimilt að skjóta á föstudögum !!. Níu keppendur skráðu sig til leiks en einn hefur forfallast vegna meiðsla.Â Má sjá þá hérna

Íslandsmet hjá kvennaliðinu okkar um helgina

Sunnudagur, 19. mars 2023 20:31

Í Digranesi í Kópavogi fór fram í dag, laugardag,ÂÂ Landsmót STÍ í loftbyssugreinunum.

Þær Jórunn Harðardóttir (547), Kristína Sigurðardóttir (538) og Elísabet Xiang Sveinbjörnsdóttir (474) skipuðu lið Skotfélags Reykjavíkur í kvennaflokki sem endaði með 1.559 stig sem er nýtt Íslandsmet en gamla metið átti sveit SA sem var 1.542 stig.

Í loftskammbyssu karla sigraði Ívar Ragnarsson úr SFK með 566 stig , Bjarki Sigfússon úr SFK varð annar með 536 stig/8x og Guðmundur A. Hjartarson úr SK þriðji með 536 stig/6x. Í kvennaflokki sigraði Jórunn Harðardóttir úr SR með 547 stig, Kristína Sigurðardóttir úr SR varð önnur með 538 stig og Aðalheiður Lára Guðmundsdóttir úr SSS varð þriðja með 535 stig. Í drengjaflokki vann Óðinn Magnússon úr SKS gullið með 504 stig og silfrið hlaut Adam Ingi H. Franksson úr SKS með 458 stig. Í flokki stúlkna sigraði Elísabet Xiang Sveinbjörnsdóttir úr SR með 474 stig og í öðru sæti varð Elín Kristín Ellertsdóttir úr SKS með 428 stig. Í liðakeppni karla sigraði A-sveit SFK með 1.589 stig en sveit SKS varð önnur með 1.509.

Í loftriffli karla sigraði Guðmundur Helgi Christensen úr SR með 594,1 stig, Þórir Kristinsson úr SR varð annar með 556,9 og Þorsteinn Bjarnarson hlaut bronsið með 501,1 stig. Í kvennaflokki sigraði Jórunn Harðardóttir úr SR með 574,1 stig og Íris Eva Einarsdóttir úr SR með 559,8 stig. Gullið í drengjaflokki hlaut Adrian Snær Elvarsson úr SFK með 359,9 stig.

Nánar á úrslitasíðu STÍ