Á Landsmóti STÍ í 50m liggjandi riffli, sem haldið var í Kópavogi í dag, bætti Óðinn Magnússon úr SKS eigið Íslandsmet í unglingaflokki og skaut nú 568,5 stig. Í karlaflokki sigraði Jón Þór Sigurðsson úr SFK með 622,7 stig, Guðmundur Helgi Christensen úr SR varð annar með 610,0 stig og þriðji Valur Richter úr SÍ með 605,9 stig. Í kvennaflokki sigraði Jórunn Harðardóttir úr SR með 605,7 stig Viktoría Erla Bjarnarson úr SR hlaut silfrið með 575,7 stig.

Landsmót STÍ í loftbyssugreinunum fór fram í Egilshöll í dag. Í loftskammbyssu sigraði Ívar Ragnarsson úr SFK með 558 stig, Bjarki Sigfússon varð annar með 533 stig og þriðji Björgvin Sigursson úr SK með 511 stig. Í kvennaflokki sigraði Jórunn Harðardóttir úr SR með 536 stig og Aðaleheiður L. Guðmundsdóttir úr SSS varð önnur með 535 stig. Í unglingaflokki hlaut Elísabet X. Sveinbjörnsdóttir gullið með 424 stig. Í loftriffli sigraði Guðmundur H. Christensen úr SR með 576,5 stig, Þórir Kristinsson úr SR varð annar með 572,8 stig og þriðji Róbert V. Ryan úr SR með 551,7 stig. Í kvennaflokki hlaut Jórunn Harðardóttir úr SR gullið með 583,9 stig. Nánar á úrslitasíðu STÍ.

Samkvæmt tölfræði ÍSÍ vegna ársins 2021 er Skotíþróttasamband Íslands í sjöunda sæti yfir fjölmennustu sérsambönd innan ÍSÍ, með 5.614 (4%) skráða iðkendur af alls 139.207 iðkendum. HSí er með 7.356 (5%), KKÍ 8.119 (6%), LH 12.151 (9%), FSÍ 14.264 (10%), GSÍ 23.149 (17%) og KSÍ 28.285 (20%).

Í Reykjavík eru iðkendur skotíþrótta alls 1.431 (3.4%) en alls eru 42.356 iðkendur skráðir í öllum íþróttagreinum þar

Athyglisvert er að það póstnúmer sem hefur hlutfallslega flesta iðkendur í skotíþróttum innan Reykjavíkur er 116, Kjalarnes en þar eru iðkendur alls 168 og þar af í skotfimi 19 manns eða 12% af íþróttaiðkendum, aðeins knattspyrnan er fjölmennari með 30 iðkendur eða 18% af heildinni. 

Landsmót í loftbyssugreinunum fer fram í Egilshöllinni á laugardaginn. Fyrri riðill hefst kl.9 og seinni kl.11. 

Hægt er fylgjast með skorinu í beinni hérna í skammbyssunni og hérna í rifflinum.

Með úrskurði sínum dagsettum 30.desember s.l. hefur Úrsk­urðar­nefnd um­hverf­is- og auðlinda­mála falið Heilbrigðiseftirliti Reykjavíkurborgar að fella úr gildi starfsleyfi SKOTREYNar á Álfsnesi. 

Í niður­stöðu nefndarinnar kem­ur fram að ekki liggi fyr­ir að land­notk­un hafi verið breytt frá því að úr­sk­urður nefnd­ar­inn­ar var kveðinn upp síðast. Þá fari starfs­leyfið auk þess í bága við ákvæði skipu­lags­reglu­gerðar um land­notk­un­ar­flokka en í þeirri reglu­gerð er ekki að finna heim­ild til að víkja frá gild­andi land­notk­un sam­kvæmt skipu­lagi. Með vís­an til þess verði því að fella hið kærða starfs­leyfi úr gildi. 

Heilbrigðiseftirlit Reykjavíkurborgar sendi bréf til SKOTREYNar laugardaginn 31.desember s.l. þar sem leyfið er afturkallað.

Þetta hefur væntanlega áhrif á nýtt starfsleyfi Skotfélags Reykjavíkur sem var í auglýsingu í desember og lauk athugasemdartímanum um það þann 28.desember s.l.

Nú verða embættismenn Reykjavíkurborgar að vinna hratt að því að breyta Aðalskipulagi þannig að það uppfylli skilyrði laga um landnotkun undir skotíþróttasvæði.

Athyglisvert er að hið opinbera skuli leyfa sér að stöðva þessa starfsemi fyrirvaralaust, þar sem um mistök í orðalagi er orsök lokunar en ekki aðsteðjandi hætta fyrir nokkurn mann. Skaðinn er þegar orðinn mikill fyrir bæði félögin á Álfsnesi og hlýtur að koma til þess að sækja þurfi skðabætur til hins opinbera til að bæta fyrir það tjón sem þetta hefur valdið þeim.