Skotfélag Reykjavíkur

Föstudagur, 12. maí 2023 14:48

Enn á ný hefur Úrskurðarnefnd umhverfis- og auðlindamála komist að þeirri niðurstöðu að orðalag í Aðalskipulagi Reykjavíkurborgar samræmist ekki orðalagi í skipulagslögum og er því ákvörðun um veitingu starfsleyfis felld úr gildi. Heilbrigðiseftirlit Reykjavíkurborgar brást umsvifalaust við og felldi starfsleyfið úr gildi með tölvupósti til okkar í morgun.

Enginn frestur er gefinn til að bregðast við verkefnum sem eru í gangi hjá okkur, einsog hreindýraprófum, skotvopnanámskeið fyrir Umhverfisstofnun, hópamóttaka, undirbúningur keppnisfólks okkar á stórmót erlendis, fyrir utan daglegan rekstur fyrir höfuðborgarbúa, félagsmenn sem aðra.

Lesa má bréfin hérna frá Úrskurðarnefndinni og hérna frá Heilbrigðiseftirliti.

SR liðið Íslandsmeistari í Staðlaðri skammbyssu

Sunnudagur, 07. maí 2023 12:27
Íslandsmót í skammbyssugreininni Stöðluð skammbyssa fór fram í Digranesi í dag. Lið SR varð Íslandsmeistari. Ívar Ragnarsson úr SFK sigraði með 553 stig, Karl Kristinsson úr SR varð annar með 518 stig og Karol Forsztek úr SR varð þriðji með 509 stig.Â Nánar á úrslitasíðu STÍ hérna.

Íslandsmóti í Fríbyssu lokið

Sunnudagur, 07. maí 2023 11:51
Íslandsmót í skammbyssugreininni Frjáls skammbyssa fór fram í Egilshöllinni í dag. Íslandsmeistari varð Ívar Ragnarsson úr SFK með 527 stig, Jórunn Harrðardóttir úr SR varð önnur með 488 stig og bronsið vann Magni Þ. Mortensen úr SR með 418 stig. Íslandsmeistari liða er sveit Skotfélags Reykjavíkur. Nánar á úrslitasíðu STÍ.

Íslandsmót í Fríbyssu á sunnudag

Fimmtudagur, 04. maí 2023 20:46

Íslandsmótið í Frjálsri skammbyssu fer fram í Egilshöllinni á sunnudaginn. Riðlablað hér.

Hér er hægt að fylgjast með skorinu í beinni.

Landsmótinu í skeet frestað um óákveðinn tíma

Fimmtudagur, 04. maí 2023 17:39
Þar sem ekki fékkst heimild frá Heilbrigðiseftirliti Reykjavíkurborgar til að fylgja alþjóðareglum um æfingadag, hefur landsmótinu í Skeet sem halda átti dagana 13.-14.maí verið frestað um óákveðinn tíma.

Tjaldurinn er mættur

Mánudagur, 01. maí 2023 13:01
Tjaldurinn er mættur á bílastæðið á skotsvæðinu okkar á Álfsnesi. Komin þrjú egg í hreiðurstæðið. Varnargirðingar hafa verið reistar og settur vaktmaður við hreiðrið. Tjaldurinn veit að þarna er hann öruggur því nóg er af varnarmönnum á svæðinu til varnar varginum já og rebba þegar hann skoðar nesið.