Íslandsmótið í Grófbyssu fer fram í Egilshöllinni sunnudaginn 30.apríl. Hérna má sjá riðlaskiptinguna. Fylgjast má svo með skorinu í beinni hérna.

Skotþing 2023, ársþing STÍ, var haldið í Íþróttamiðstöðinni í Laugardal í dag. Mættir voru 36 fulltrúar frá 9 af 15 aðildarsamböndum STÍ.  Fundarstjóri var Jón S. Ólason fyrrverandi formaður STÍ og ritari þingsins var Kjartan Friðriksson, fyrrverandi ritari stjórnar. Ný stjórn sambandsins er nú skipuð þannig að Halldór Axelsson var endurkjörinn formaður til næstu 2ja ára, Ómar Örn Jónsson og Magnús Ragnarsson(sem kemur nýr inní stjórn), voru kjörnir til 2ja ára ásamt varamanninum Sigurði I. Jónssyni, sem einnig kemur nýr inní varastjórn ásamt Birnu Sævarsdóttur, sem var kjörin til eins árs. Jórunn Harðardóttir og Guðmundur Kr. Gíslason sitja áfram til eins árs. Kolbrún Hrund Sigurgeirsdóttir úr framkvæmdastjórn ÍSÍ færði þingi kveðju framkvæmdastjórnar ÍSÍ og Lárusar Blöndal forseta ÍSÍ. Þingið tók fyrir ýmis mál og má þar nefna að hugmyndir um hausagjald voru felldar með yfirgnæfandi meirihluta en tillaga um skotíþróttamiðstöð var samþykkt með breytingum. Frétt af www.sti.is

Íslandsmeistaramót STÍ í 50m Þrístöðu riffli fór fram í Egilshöllinni í dag. Íslandsmeistarar urðu Þórir Kristinsson úr SR í karlaflokki, Viktoría Erla Bjarnarson úr SR í kvennaflokki og lið Skotfélags Reykjavíkur í liðakeppni.

Íslandsmeistaramótið í 50 m riffli fór fram í aðstöðu Skotíþróttafélags Kópavogs í  Digranesi í dag. Jórunn Harðardóttir úr SR varð Íslandsmeistari í kvennaflokki með 613,3 stig og silfrið hlaut Viktoría Bjarnarson úr SR með 587,1 stig.

Karen Rós Valsdóttir úr Skotíþróttafélagi Ísafjarðar bætti þar Íslandsmetið í unglingaflokki stúlkna með skori uppá 580,2 stig og hlaut Íslandsmeistaratitil stúlkna. Íslandsmeistarar urðu Jón Þór Sigurðsson úr SFK í karlaflokki með 622,0 stig, annar varð Arnfinnur A. Jónsson úr SFK með 612,7 stig og Valur Richter úr SÍ þriðji með 607,0 stig.  Íslandsmeistari drengja varð Óðinn Magnússon úr SKS með 566,8 stig. Nánar má sjá úrslitin á úrslitasíðu STÍ hérna.

Íslandsmeistaramótið í Þrístöðu-riffli fer fram í Egilshöllinni á sunnudaginn. Hægt er að fylgjast með skorinu í beinni hérna.