Lokað verður á Álfsnesi á morgun, laugardag vegna óveðurs. Við ætlum hinsvegar að nýta okkur ákvæði í starfsleyfinu og hafa opið á sunnudaginn kl. 13-16 !!

Stjórn félagsins sendi í morgun bréf til Allsherjarnefndar Alþingis sem inniheldur athugasemdir okkar við Vopnalagafrumvarp Innanríkisráðherra. Slóðin á heimasíðu nefndarinnar er hérna. Við gerðum athugasemdir við 2.greinina um safnaravopn, við 6. og 10.greinarnar um íþróttabyssur, við 19.greinina um hámarksfjölda byssa og við 23.greinina um sölu vopna og um hljóðdeyfa. Hægt verður að nálgast umsögnina á ofangreindri heimasíðu innan fárra daga.

Ásgeir Sigurgeirsson landsliðsmaður í skotfimi hefur verið ráðinn til þýska skotfélagsins," Groß und Kleinkaliberschießen Hannover". Ásgeir fékk tilboð frá þremur félögum sem keppa í þýsku Bundesligunni, tveimur í fyrstu deild og einu í annari. Hann gerði samning við "Groß und Kleinkaliberschießen Hannover" í annari deild þar sem að það félag er í baráttu um að komast í fyrstu deild og bauð honum stöðu sem skotmaður númer 1.

  Á Íslandsmótinu í Bench Rest riffli um helgina varð Sigurður Hallgrímsson úr SR Íslandsmeistari. Annar varð Kjartan Friðriksson úr SR og Hjörleifur Hilmarsson úr SFK varð þriðji.  Hægt er að skoða úrslitin á úrslitasíðu Skotíþróttasambands Íslands.   /gkg

 Nú um helgina fer fram Íslandsmótið í Bench Rest rifflum á 100 og 200 metra færum. Keppt er í HV flokki í "Score" og ræður samanlagður árangur manna á báðum færum úrslitum. Eftir fyrri daginn er Kjartan Friðriksson úr SR efstur með 250/17x en fast á hæla hans eru Bergur Arthursson SR og Sigurður Hallgrímsson SR, báðir með 250/16x. Á morgun sunnudag er skotið á 200 metra færi og hefst keppni kl.12:00.