Ásgeir Sigurgeirsson var að ljúka undankeppninni í frjálsri skammbyssu í Kóreu. Hann flaug áfram í aðalkeppnina með fínu skori, 560 stig. Þess má geta að Íslandsmet hans er 565 stig. Aðalkeppnin fer svo fram á morgun.

Örn Valdimarsson úr SR sigraði á Páskamóti SR í skeet sem haldið var á Álfsnesi í dag. Hann endaði með 107 stig. Í öðru sæti varð Guðmann Jónasson úr MAV með 95 stig og í þriðja sæti Karl F. Karlsson úr SR með 87 stig.

Lokahönd var lögð á vinnuna við raddkerfið á Álfsnesi í dag svo hægt verði að nota það á Páskamótinu á morgun. Von er síðan á viðbótabúnaði sem nauðsynlegur er til að klára verkið endanlega fyrir Smáþjóðaleikana í júní.

Uppfærður styrkleikalisti Skotsambands Evrópu var að birtast. Þar er ánægjulegt að sjá íslenska konu í fyrsta skipti inná skammbyssulistanum. Það er Jórunn Harðardóttir sem fer inn í 75.sæti, eftir góðan árangur á Evrópumeistaramótinu í Hollandi í síðasta mánuði í loftskammbyssu. Aðrir íslenskir afreksmenn sem eru inná listanum eru Hákon Þ.Svavarsson og Sigurður U. Hauksson í haglabyssu, Íris E.Einarsdóttir í loftriffli og svo Ásgeir Sigurgeirsson í loftskammbyssu sem og frjálsri skammbyssu.

Hið árlega Páskamót SR í skeet verður á laugardaginn kemur á Álfsnesi. Mæting kl.10:30. Skráning með tölvupósti á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða bara á staðnum.. Skotið verður með nýju Mattarelli-kastvélunum og svo stefnir allt í að raddstýrirkerfið (Voice Control frá Progetti)verði einnig notað í fyrsta skipti.