|
Mánudagur, 16. febrúar 2015 13:08 |
|
 Landsmót Skotíþróttasambands Íslands í 60sk liggjandi riffli var haldið í Digranesi á laugardaginn.
Tveir keppendur mættu til leiks í kvennaflokki og þar hafði Jórunn Harðardóttir sigur á Írisi Evu Einarsdóttur sem var að keppa í sínu fyrsta 50m liggjandi móti. Íris var að gera góða hluti enda ekki alls óvön gatasigtunum. Íris Eva skoraði 587.1 stig en Jórunn, sigurvegarinn, lauk keppni á 605,3 stigum. Þær stöllur kepptu báðar fyrir hönd Skotfélags Reykjavíkur.
Í karlaflokki sigraði Jón Þór Sigurðsson, Skotfélagi Kópavogs. Jón þór skoraði 615.7 stig. Í öðru sæti varð Guðmundur Helgi Christensen, Skotfélagi Reykjavíkur á 613,4 stigum. Arnfinnur Auðunn Jónsson, Skotfélagi Kópavogs, varð svo í þriðja sæti með 611.8 stig.
Í liðakeppninni sigraði A sveit Skotfélags Kópavogs með 1832,7 stig en sveitina skipuðu þeir Jón Þór, Arnfinnur auk Stefáns Eggerts Jónssonar. Sveit Skotíþróttafélags Ísafjarðar varð í öðru sæti með 1796,9 stig. Sveitina skipuði Valur Richter, Ívar Már Valsson og Guðmundur Valdimarsson. Sveit Skotfélags Reykjavíkur hreppti svo þriðja sætið á 1789.0 stigum en sveitina skipuðu Guðmundur Helgi, Þorsteinn Bjarnarson og Þórir Kristinsson.
|
|
|
Laugardagur, 14. febrúar 2015 11:38 |
|
Vegna veðurs verður lokað á Álfsnesi um helgina :(
|
|
Föstudagur, 13. febrúar 2015 11:34 |
|
 Ásgeir Sigurgeirsson er í viðtali á morgun í þættinum " Sportshour" á BBC World Service radio and online. Slóðin er þessi: http://www.bbc.co.uk/programmes/p016tmfz
|
|
Fimmtudagur, 12. febrúar 2015 20:18 |
|
 Á Reykjavíkurmótinu í loftbyssugreinunum sem haldið var í Egilshöllinni í gærkvöldi sigraði Ásgeir Sigurgeirsson í karlaflokki og Jórunn Harðardóttir í kvennaflokki, í loftskammbyssu. Margrét Skowronski sigraði í unglingaflokki.
Í loftriffli karla sigraði Guðm. Helgi Christensen og í kvennaflokki Íris Eva Einarsdóttir. Arnar Hörður Bjarnarson sigraði í unglingaflokki.
|
|
Mánudagur, 09. febrúar 2015 19:09 |
|
 Reykjavíkurmótið í loftbyssugreinunum fer fram í Egilshöllinni á miðvikudaginn 11.febrúar. Það hefst kl.17. Keppendur geta mætt á bilinu 17 til 19:30 og hafið keppni, eftir því sem pláss er á brautum. Ekki er því um eiginlega riðla að ræða. Keppnisæfing skráðra keppenda verður á morgun þriðjudag kl.19-21.
|
|
Sunnudagur, 08. febrúar 2015 12:09 |
|
Í úrslitakeppni þýsku Bundesligunnar sem fram fór um helgina endaði lið Ásgeirs Sigurgeirssonar í 5.sæti en 8 lið komust í úrslitakeppnina. Lið hans, TSV Ötlingen, tapaði sínum leik við Braunschweiger SG með 2:3. Ásgeir vann sinn keppinaut, Evrópumeistarann Oleg Omelchuk frá Úkraínu með 381 stigi gegn 378 en það dugði ekki til því 3 félagar Ásgeirs töpuðu sínum viðureignum og komust því ekki áfram. Nánari úrslit má finna hérna.
|
|
|
<< Fyrsta < Fyrri 131 132 133 134 135 136 137 138 139 140 Næsta > Síðasta >>
|
|
Síða 131 af 298 |
