|
Föstudagur, 14. nóvember 2014 22:20 |
|
 Opnað var formlega fyrir rafræna skráningu þann 3. október fyrir sjálfboðaliða á Smáþjóðaleikana 2015. Þegar eru á þriðja hundrað sjálfboðaliðar búnir að skrá sig.
Skráningin fer fram rafrænt og eru allar upplýsingar á heimasíðu Smáþjóðaleikanna 2015 http://www.iceland2015.is/
Skráningin fer fram í tveimur skrefum. Í fyrstu eru skráðar grunnupplýsingar, þær vistaðar og berst til baka tölvupóstur á skráð netfang með vefslóð fyrir síðari hluta skráningar. Í seinna skrefinu er farið inná vefslóðina þar sem grunnupplýsingarnar koma fram og haldið áfram með ítarlegri skráningu. Í þessu skrefi geta þeir sjálfboðaliðar sem ætla eingöngu að vinna fyrir ykkar keppnisgrein skráð það í síðustu spurninguna þar sem spurt er „Annað sem þú vilt að komi fram og skiptir máli“. Þar er t.d. hægt að skrá „Vinn við keppni í skotíþróttum“. Athugið að mikilvægt er að þið sérstaklega hvetjið ykkar lykilstarfsmenn að skrá sig tímanlega.
Eftir að seinna skrefinu er lokið er alltaf möguleiki að fara aftur inná skráninguna sína og gera breytingar ef þess er þörf.
|
|
|
Sunnudagur, 09. nóvember 2014 10:22 |
|
Annari umferð í þýsku deildinni var að ljúka og sigraði lið Ásgeirs, TSV Ötllingen, keppinaut sinn 5:0. Ásgeir skoraði 392 stig eða 98 að meðaltali. Lið hans er nú í efsta sæti í sinni deild, Bundesliga Süd. Skoða má stöðu einstakra skotmanna innan liðanna hérna.
|
|
Laugardagur, 08. nóvember 2014 21:14 |
|
 Ásgeir Sigurgeirsson er nú að keppa með liði sínu í Þýsku deildakeppninni í loftskammbyssu. Hann sigraði keppinaut sinn í dag með 385 stigum gegn 379. Liðið hans, TV Öttingen, sigraði sína viðureign 4:1. Hann keppir aftur á morgun. Þess ber að geta að í Þýsku deildinni er aðeins keppt í liðakeppni og skjóta allir keppendur 40 skotum óháð hvort um konu eða karl er að ræða. Hægt er að fylgjast með á þessari slóð.
|
|
Laugardagur, 08. nóvember 2014 20:59 |
|
  
     
Á landsmóti STÍ sem haldið var í Egilshöllinni í dag sigraði Jórunn Harðardóttir úr SR í loftskammbyssu kvenna með 372 stig, önnur varð Bára Einarsdóttir úr SFK með 361 stig og Guðrún Hafberg úr SFK varð í 3ja sæti með 326 stig. Í loftskammbyssu unglinga sigraði Margrét Skowronski úr SR með 273 sti og í öðru sæti varð Dagný R.Sævarsdóttir úr SFK með 265 stig. Í loftriffli karla sigraði Guðmundur Helgi Christensen úr SR með 577,2 stig, í öðru sæti varð Theódór Kjartansson úr SK með 537,8 stig og í 3ja sæti varð Þorsteinn B. Bjarnarson úr SR með 486,1 stig. Í loftskammbyssu karla sigraði Thomas Viderö úr SFK með 550 stig+9 Xtíur, annar varð Karl kristinsson úr SR einnig með 550 stig en einni tíu færri eða 8 Xtíur. Í þriðja sæti varð Ívar Ragnarsson úr SFK með 541 stig+10 Xtíur en fjórði var Guðmundur Helgi Christensen úr SR með sama skor en 7 Xtíur. Í loftriffli kvenna sigraði Íris Eva Einarsdóttir úr SR með 405,5 stig og Jórunn Harðardóttir úr SR varð önnur með 396,1 stig. Í liðakeppni karla sigraði A-sveit SFK með 1,629 stig, önnur varð A-sveit SR með 1,569 stig en hana skipuðu Karl Kristinsson, Engilbert Runólfsson og Guðmundur Helgi Christensen og í 3ja sæti B-sveit SFK með 1,510 stig. Þess má geta að skor Írisar og Jórunnar í loftriffli er yfir gildandi Ólympíulágmarki s.k.MQS) og eins árangur Jórunnar í loftskammbyssu. Keppt var í fyrsta skipti með nýjum keppnisbúnaði frá svissneska fyrirtækinu SIUS, sem Skotfélag Reykjavíkur var að setja í gang og tókst framkvæmdin ágætlega. Slatti af myndum eru einnig hérna.
|
|
Fimmtudagur, 06. nóvember 2014 08:59 |
|
Á laugardaginn verður haldið landsmót STÍ í loftskammbyssu og loftriffli í Egilshöllinni. Keppt verður í fyrsta skipti með nýjum brautarbúnaði frá svissneska fyrirtækinu SIUS. Riðlaskiptingin er komin hérna. Keppendur mæti 30 mín fyrir upphaf síns riðils og æfingaskot hefjast 15 mín fyrir upphaf keppni, riðill 1 kl.09:45 og riðill 2 kl.11:45 KEPPNISÆFING er á föstudag kl.19-20:30
Eins verður landsmót í staðlaðri skammbyssu á sunnudaginn í Digranesi og er riðlaskiptingin hérna.Ennfremur eru upplýsingar um mótið á www.skotkop.is
|
|
|
<< Fyrsta < Fyrri 131 132 133 134 135 136 137 138 139 140 Næsta > Síðasta >>
|
|
Síða 135 af 296 |
