Áramótið í riffli verður haldið á Gamlársdag. Mæting keppenda er kl.10:30.
Skotið verður á rauðu skífurnar (BR 100+200) á 100 og 200 metra færi. 10 skot á hverja skífu (2 skot í hring). Æfingaskot leyfð.

Eingöngu leyfðir rifflar með tvífæti á forskefti og engan stuðning við afturskefti nema öxlina. Öll kaliber leyfð en engar hlaupbremsur.
Gott væri að fá skráningu senda á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. til að sjá fjöldann sem hefði hug á að mæta.

Ásgeir Sigurgeirsson vann sína viðureign í Bundesligunni þýsku í dag, með 384 stig. Lið hans TV Öttleingen vann 4:1. Þau keppa svo aftur á morgun. Nánar hérna

Yfir Jól- og áramót er lokað í Egilshöllinni frá og með 23.desember og opnað að nýju miðvikudaginn 7.janúar 2015.

Hið árlega Áramót í skeet verður haldið á Gamlársdag. Mæting keppenda er kl.10:30 og verða skotnir 2-3 hringir. Að venju er bara einn opinn flokkur.

Á Landsmóti STÍ í 60 skotum liggjandi riffli sem haldið var í Egilshöllinni í dag sett sveit Skotfélags Kópavogs nýtt Íslandsmet í liðakepnninni, 1835,6 stig. í sveitinni voru Arnfinnur Jónsson, Jón Þór Sigurðsson og Stefán E.Jónsson. Í öðru sæti varð sveit Skotíþróttafélags Ísafjarðar með 1791,0 stig en í hennii voru Valur Richter (605,1), Guðmundur Valdimarsson (601,9) og Ívar M. Valsson (584,0). Í þriðja sæti hafnaði svo sveit Skotfélags Reykjavíkur með 1758,7 stig en sveitina skipuðu Guðmundur Helgi  Christensen (605,4), Þorsteinn Bjarnarson (602,2) og Þórir Kristinsson (551,1). Í einstaklingskeppninni sigraði Arnfinnur A. Jónsson SFK með 617,3 stig, Jón Þór Sigurðsson SFK með 610,1 stig og Stefán Eggert Jónsson með 608,2 stig. Í kvennaflokki sigraði Jórunn Harðardóttir úr Skotfélagi Reykjavíkur með 609,3 stig. Slatti af myndum frá mótinu eru hérna.