Í kvöld fór fram Reykjavíkurmótið í loftskammbyssu og loftriffli í Egilshöllinni. Keppt var í opnum flokkum en efsti keppandinn úr Reykjavíkurfélagi krýndur Reykjavíkumeistari 2014 í sinni grein. Í loftriffli kvenna sigraði Íris Eva Einarsdóttir úr SR með 400,8 stig og varð þar með Reyikjavíkurmeistari 2014. Í öðru sæti varð Jórunn Harðardóttir úr SR með 396,0 stig. Í loftriffli karla sigraði Logi Benediktsson úr SFK með 558,0 stig, annar varð Theódór Kjartansson úr SFK með 514,0 stig og í þriðja sæti Þorsteinn B. Bjarnarson úr SR með 499,3 stig og þar með Reykjavíkurmeistari 2014. Í loftskammbyssu kvenna sigraði Jórunn Harðardóttir úr SR með 365 stig og varð Reykjavíkurmeistari 2014 en önnur varð Bára Einarsdóttir úr SFK með 356 stig. Í loftskammbyssu karla sigraði Tómas Viderö úr SFK með 558 stig, annar varð Guðmundur Kr. Gíslason úr Skotfélagi Reykjavíkur með 546 stig og varð þar með Reykjavíkurmeistari 2014. Þriðji varð svo Gunnar Þ. Hallbergsson úr SR með 541 stig.

Reykjavíkurmótið í loftskammbyssu og loftriffli fer fram í kvöld. Lokað er fyrir aðra starfsemi í kvöld.

Þar sem við urðum að hafa lokað í dag á Álfsnesi, er okkur heimilt, samkvæmt ákvæði í starfsleyfinu, að opna á morgun, sunnudag. OPIÐ verður kl 13-17, nema veður breytist.

 Ásgeir Sigurgeirsson úr Skotfélagi Reykjavíkur sigraði í úrslitunum í dag eftir harða rimmu við keppinauta sína. Hann endaði með 197,2 stig en Adrian Simms frá Englandi kom á hæla hans með 195,0 stig. Í undankeppninni skaut Ásgeir 582 stig. Öðrum íslenskum keppendum gekk upp og ofan en yfir heildina fínt mót hjá þeim. Íris og Jórunn kepptu í loftriffli morgun en áttu ekki sinn besta dag. Sama má segja um keppnina í loftskammbyssu kvenna og karla. Íslenskir keppendur á þessu móti voru Ásgeir Sigurgeirsson, Guðmundur Helgi Christensen, Thomas Viderö, Stefán Sigurðsson, Ólafur Egilsson, Íris Eva Einarsdóttir, Jórunn Harðardóttir, Bára Einarsdóttir og Kristína Sigurðardóttir.

Úrslitin í loftskammbyssu karla hefjast kl. 14:00 og er hægt að fylgjast með hérna. Meðal keppenda er okkar maður, Ásgeir Sigurgeirsson, en hann tryggði sér sæti í úrslitum með því að vinna undankeppnina í morgun með 582 stigum.