Á landsmóti STÍ í Sportskammbyssu sem haldið var í Digranesi í gær, urðu liðin okkar í 1. og 2.sæti. Í A-liðinu voru Karl Kristinsson(532), Kristína Sigurðardóttir(524) og Jón Á. Þórisson(488) með 1,544 stig. Í B-liðinu voru Engilbert Runólfsson(521), Kolbeinn Björgvinsson(484) og Jórunn Harðardóttir(475) með 1,480 stig. Í 3ja sæti varð A-lið SFK með 1,465 stig. Í einstaklingskeppninni sigraði yngsti keppandinn, Grétar M. Axelsson frá Akureyri með 544 stig, annar varð Karl Kristinsson úr SR með 532 stig og í þriðja sæti Kristína Sigurðardóttir úr SR með 524 stig. Þess má geta að Sportskammbyssa er kvennagrein á Ólympíuleikum en hérlendis er keppt í opnum flokki karla og kvenna. Afar ánægjulegt er að sjá fjölda keppenda og greinilegt að þessi grein vekur áhuga margra iðkenda. Keppt er með hálfsjálfvirkum cal.22 skammbyssum eða rúllum, á 25 metra færi. Á YouTube síðu Alþjóða Skotsambandsins má sjá hvernig þessi grein fer fram t.d.hérna. Myndir frá mótinu eru hérna.  _/gkg

Ásgeir Sigurgeirsson keppir með liði sínu, TSV Öttlingen, í þýsku deildinni í dag. Hægt er að sjá stöðuna hérna.

Opnuð hefur verið ný heimasíða þar sem allar upplýsingar um Smáþjóðaleikana 2015. Slóðin er www.reykjavik2015.is. Þeir verða haldnir í Reykjavík dagana 1. til 6.júní 2015. Í skotfimi verður keppt í loftskammbyssu og loftriffli í íþróttahúsi fatlaðra í Hátúni. Á Álfsnesi verður svo keppt í haglabyssu skeet, 60 skotum liggjandi riffli(s.k.enskum) og frjálsri skammbyssu. Í dag hélt ÍSÍ kynningarfund um leikana í íþróttamiðstöðinni í Laugardal og var þangað boðið ráðamönnum Reykjavíkurborgar og Ríkisins sem um þessi mál fjalla.

Í Egilshöllinni, vikuna 13.-18.jan 2014 verður í gangi Janúarmót SR í BR50 með cal.22lr (ekki hi-vel skot) og verður skotið á hefðbundnum opnunartíma. Fyrirkomulagið er þannig að menn fá merkta þeim BR50 skotskífu hjá æfingastjóra og skjóta á 30 mínútum 25 skotum.

Stjórn Skotfélags Reykjavíkur óskar félagsmönnum og velunnurum félagsins gæfu og góðs gengis á nýju ári. Stjórnin þakkar þeim fjölmörgu sem lögðu hönd á plóginn í starfinu á gamla árinu og enn og aftur má geta þess að ekki verða unnin mörg afrek á sviði skotíþróttarinnar ef sjálfboðastarfs nyti ekki við. Sama er að segja um uppbyggingu starfsins í heild, hvort það er í þjálfun og leiðbeiningum í íþróttinni eða uppbyggingu og viðhaldi aðstöðunnar. Mörg afrek hafa verið unnin á sviði skotíþróttarinnar á árinu sem er að kveðja. Þau afrek verða ekki tíunduð hér enda hefur þeim verið gerð góð skil hér á síðunni að undanförnu. Stjórn félagsins hvetur þá sem vilja taka þátt í starfinu, með einhversskonar sjálfboðastarfi á nýju ári, að hafa samband við skrifstofu félagsins og eða starfsfólk félagsins á æfingasvæðum.

Gleðilegt nýtt ár, Stjórn Skotfélags Reykjavíkur.