Þau ánægjulegu tíðindi bárust okkur í dag að unglingameistarinn í haglabyssu Skeet, Sigurður Unnar Hauksson frá Húsavík, hefði gengið frá félagaskiptum yfir í okkar félag í dag. Siddi er nú þegar í hópi bestu skotmanna landsins og bjóðum við hann hjartanlega velkominn í hópinn. Hann mun styrkja keppnishópinn okkar og verður gaman að fylgjast með honum í sumar.

Vormót í haglabyssu skeet verður hjá okkur laugardaginn 22.mars, mæting kl.12:00. Skotnar verða 75 dúfur og enginn final. Mótagjald kr. 2,000. Sendið skráningu á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Tvö mót verða í Loftskammbyssu og Loftriffli, fimmtudagana 20.mars og 10.apríl. Opið er fyrir félagsmenn annarra félaga. Keppt verður í sameiginlegum flokkum karla og kvenna, 40 skot. Mæting kl.18:30 og má þá hefja undirbúning, en keppni hefst kl.19:00. Skráningargjald verður bakkelsi með kaffinu :)  Skráningu þarf að senda á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. á þriðjudeginum fyrir mótin.

Á landsmóti STÍ í 60 skotum liggjandi riffli sem haldið var í Kópavogi á laugardaginn sigraði okkar maður, Guðmundur Helgi Christensen, í karlaflokki með 612,2 stig. Annar varð Jón Þór Sigurðsson úr SFK með 611,7 stig og Stefán Eggert Jónsson úr SFK þriðji með 607,2 stig. Í kvennaflokki sigraði Jórunn Harðardóttir úr SR með 607,9 stig en önnur varð Bára Einarsdóttir SFK með 599,4 stig. Nánar á www.sti.is

Ásgeir Sigurgeirsson endaði í 12.sæti á Evrópumeistaramótinu í loftskammbyssu sem haldið í Moskvu þessa dagana. Hann endaði á 578 stigum og vantaði aðeins 1 stig til að komast í átta manna úrslit. Úrslitin eru hérna.