Skotfélag Reykjavíkur

Laugardagur, 01. febrúar 2014 17:54

Á landsmóti STÍ í 60 skotum liggjandi riffli, sem haldið var í Digranesi í dag sigraði Jóns Þór Sigurðsson úr SFK með 618,1 stig. Í öðru sæti varð Arnfinnur A. Jónsson SFK með 608,0 stig (24x+42-¹⁰)og í 3ja sæti Viðar Finnsson SFK með 608,0 stig (24x+39^-10). Guðmundur H. Christensen úr SR varð í 5.sæti með 606,0 stig og Þorsteinn Bjarnarson SR í 13.sæti með 568,7 stig. Í kvennakeppninni sigraði Bára Einarsdóttir úr SFK með 607,4 stig en Jórunn Harðardóttir úr SR varð önnur með 606,3 stig. Í liðakeppninni sigraði A-lið SFK með 1.833,9 stig sem er jafnframt nýtt Íslandsmet (Jón Þ.Sigurðsson 618,1,Arnfinnur Jónsson 608,0,Stefán E. Jónsson 607,8). A-sveit Skotfélags ísafjarðar lenti í 2.sæti með 1.751,5 stig (Guðmundur Valdimarsson 595,8, Ívar M.Valsson 581,2, Valur Richter 574,5).

Landsmót á laugardaginn í riffli

Fimmtudagur, 30. janúar 2014 15:11
Á laugardaginn fer fram landsmót í 60 skotum liggjandi riffli með cal.22 . Keppt verður í Digranesi og er riðlaskiptingin komin hérna.

SR með gull á landsmótinu í gær

Föstudagur, 24. janúar 2014 09:06

Ásgeir Sigurgeirsson úr SR vann gullið á landsmóti STÍ í frjálsri skammbyssu í gær. Hann hlaut 552 stig en næstur honum varð Thomas Viderö úr SFK með 535 stig. Í liðakeppninni sigraði A-liðið okkar með innanborðs þau Ásgeir Sigurgeirsson (552), Guðmund Kr. Gíslason (476) og Jórunni Harðardóttur (467) með 1,495 stig. Í öðru sæti varð A-sveit SFK með 1,480 stig en í þriðja sæti varð B-liðið okkar með 1,363 stig en það skipuðu þeir Engilbert Runólfsson (466), Guðmundur H.Christensen (461) og Jón Á. Þórisson (436). Þess ber einnig að geta að þessi grein er karlagrein á aljóðavettvangi en hérlendis hefur Skotíþróttasambandið lagað reglurnar að okkar aðstæðum og leyft konum og körlum að keppa í sama flokki, óháð kyni. Nánar á www.sti.is

Opið miðvikudag fyrir skeet

Þriðjudagur, 21. janúar 2014 20:08
Opið verður, fyrir félagsmenn SR, á Álfsnesi miðvikudaginn 22.janúar á haglavöllum fyrir SKEET æfingar kl.12-15. Æfingastjóri verður Gunnar Sigurðsson. Eins verður byrjendanámskeið í Ólympísku skeeti á laugardaginn kl.14-16

Landsmót í frjálsri skammbyssu á fimmtudaginn

Þriðjudagur, 21. janúar 2014 10:51
Fimmtudaginn 23.janúar er landsmót í frjálsri skammbyssu í Digranesi. Riðlaskiptingin er komin hérna.

Jórunn nálægt Íslandsmetinu

Sunnudagur, 19. janúar 2014 12:15

Á landsmóti STÍ í loftbyssugreinunum sigraði Jórunn Harðardóttir úr SR með 373 stig, aðeins einu stigi frá gildandi Íslandsmeti í loftskammbyssu kvenna. Í öðru sæti varð Kristína Sigurðardóttir einnig úr SR með 366 stig og í 3ja sæti Bára Einarsdóttir. Í loftskammbyssu karla sigraði Ásgeir Sigurgeirsson úr SR með 574 stig, Thomas Viderö úr SFK varð annar með 554 stig og Stefán Sigurðsson úr SFK með 545 stig. Í liðakeppninni sigraði lið SFK-a með 1,630 stig, SR-a varð í öðru sæti með 1,628 stig og í 3ja sæti SFK-b með 1,514 stig. Guðmundur H.Christensen sigraði í loftriffli karla með 574,9 stig, Logi Benediktsson úr SFK varð annar með 556,5 stig og í 3ja sæti Þorsteinn Bjarnarson úr SR með 512,0 stig. Í loftriffli kvenna sigraði Íris E.Einarsdóttir úr SR með 396,8 stig og í 2.sæti varð jórunn Harðardóttir úr SR með 389,9 stig. Nánari úrslit eru hérna og eins er komið myndband frá mótinu í boði JAK hérna.