Ásgeir Sigurgeirsson úr Skotfélagi Reykjavíkur sigraði í loftskammbyssu, á alþjóðlega mótinu Inter-Shoot í Hollandi í dag. Hann komst í úrlsit með frábæru skori 588 stig, aðeins einu stigi frá Íslandsmeti sínu. Í úrslitunum skoraði hann 203,9 stig en næsti maður var með 198,6 stig. Frábær árangur hjá honum og óskum við honum til hamingju með gullið.  _/gkg

Íris Eva Einarsdóttir úr Skotfélagi Reykjavíkur bætti eigið Íslandsmet í loftriffli á alþjóðlega Inter-Shoot mótinu í Hollandi í morgun. Hún náði 409,4 stigum en gamla metið var 403,6 stig. Íris endaði í 9.sæti en var hársbreidd frá því að komast í úrslitin en skorti 0,1 stig til viðbótar. Á mótinu keppa 9 íslendingar í bæði loftriffli og loftskammbyssu.    _/gkg

Þjálfaranámskeið STÍ og ISSF fyrir verðandi haglabyssuþjálfara, verður haldið dagana 13.-16.febrúar kl. 09:00 - 17:00 alla dagana. Kennari er yfirmaður þjálfunarmála hjá ISSF, Kevin Kilty frá Írlandi og námskeiðið fer því fram á ensku. Þátttökugjald er kr. 30,000 en innifalin eru námsgögn, hádegsiverður og kaffiveitingar alla dagana. Hægt er að skrá sig beint hjá STÍ, Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .  Námskeiðið fer fram í Íþróttamiðstöðinni í Laugardal og lýkur með skriflegu prófi sem veitir D-réttindi sem grunnþjálfari í haglabyssu. Dagskrána má sjá hérna.

 Á landsmóti STÍ í 60 skotum liggjandi riffli, sem haldið var í Digranesi í dag sigraði Jóns Þór Sigurðsson úr SFK með 618,1 stig. Í öðru sæti varð Arnfinnur A. Jónsson SFK með 608,0 stig (24x+42-¹⁰) og í 3ja sæti Viðar Finnsson SFK með 608,0 stig (24x+39^-10). Guðmundur H. Christensen úr SR varð í 5.sæti með 606,0 stig og Þorsteinn Bjarnarson SR í 13.sæti með 568,7 stig. Í kvennakeppninni sigraði Bára Einarsdóttir úr SFK með 607,4 stig en Jórunn Harðardóttir úr SR varð önnur með 606,3 stig. Í liðakeppninni sigraði A-lið SFK með 1.833,9 stig sem er jafnframt nýtt Íslandsmet (Jón Þ.Sigurðsson 618,1,Arnfinnur Jónsson 608,0,Stefán E. Jónsson 607,8). A-sveit Skotfélags ísafjarðar lenti í 2.sæti með 1.751,5 stig (Guðmundur Valdimarsson 595,8, Ívar M.Valsson 581,2, Valur Richter 574,5).

Á laugardaginn fer fram landsmót í 60 skotum liggjandi riffli með cal.22 . Keppt verður í Digranesi og er riðlaskiptingin komin hérna.