Ásgeir lauk keppni í Granada í 23.sæti af 84 keppendum, og kemst ekki í átta manna úrslit. Skorið var fínt, 575 stig (96-97-98-97-93-94). Á sama tíma hófu haglabyssumenn keppni og áttu bæði Ellert 23+24 og Hákon 23+23 fínt start. Þeir klára 3 hringi í dag og svo tvo á morgun.

Á Landsmóti UMFÍ á Selfossi sigraði Guðmundur Helgi Christensen í loftriffli með 589,1 stig og Jórunn Harðardóttir varð önnur með 582,3 stig. Í þriðja sæti varð svo Logi Benediktsson með 574,1 stig. Í Loftskammbyssu varð elsti keppandinn í skotfimi á landsmótinu, Guðmundur Kr Gíslason þriðji með 549 stig.  Tómas Viderö sigraði með 563 stig og Bára Einarsdóttir önnur með 552 stig. Jórunn Harðardóttir varð fjórða með 544 stig og Kristína Sigurðardóttir með 543 stig. Í gær var keppni í enskum riffli flutt í Kópavog vegna veðurs á  Selfossi. Þar varð Guðmundur Helgi Christensen þriðji með 606,2 stig. Jón Þór Sigurðsson sigraði með 611,0 stig og Stefán E. Jónsson varð annar með 610,5 stig. Fleiri myndir hérna.

Að lokinni keppni í skotgreinunum voru lið Íþróttabandalags Reykjavíkur, ÍBR og Ungmennasambands Kjalarnesþings, UMSK jöfn með 79 stig hvort samband. ÍBR fékk 19 stig í skeet, 12 stig í enskum riffli og 48 stig útúr loftgreinunum. UMSK fékk ekkert stig í skeet, 32 stig í enskum riffli og 47 stig í loftgreinunum. Liðin skiptu því með sér gullinu og hutu bæði eignarbikar.

Ásgeir Sigurgeirsson komst örugglega áfram í aðalkeppnina á heimsbikarmótinu í Granada á Spáni. Hann keppti í fyrri riðlinum í morgun, í Frjálsri skammbyssu og endaði með fínt skor, 94 95 93 88 92 90 eða alls 552 stig. Aðalkeppnin er svo á morgun

Ellert Aðalsteinsson úr SR sigraði í haglabyssugreininni SKEET á Landsmóti UMFÍ í dag. Í þriðja sæti varð annar SR-ingur, Stefán Gísli Örlygsson og Karl F.Karlsson varð í tíunda sæti. Þeir kepptu allir fyrir ÍBR, Íþróttabandalag Reykjavíkur og höluðu inn 19 stigum í liðakeppninni. Nánari úrslit hér til hliðar. Keppni í enskum riffli, sem halda átti á morgun, hefur verið flutt til Kópavogs vegna veðurs og hefst kl.10:00 í Digranesi. Hægt er að fylgjast með keppninni í beinni útsendingu á heimasíðu Skotfélags Kópavogs.